کراچی: معروف پاکستانی گلوکار شفقت امانت علی نے یوم آزادی کے موقع پر اپنا نیا گانا ’گھر آنگن‘ جاری کردیا۔
تفصیلات کے مطابق گلوکار شفقت امانت علی نے سماجی رابطے کی ویب سائٹ ٹویٹر پر یوم آزادی سے چار روز قبل اپنا نیا گانا جاری کیا جسے مداحوں کی جانب سے سراہا جارہا ہے۔
شفقت امانت علی کے مطابق یہ گانا قومی ہیروز، پاکستانی قوم کو جشن آزادی کے موقع پر خراج تحسین پیش کرنے کے لیے بنایا گیا ہے۔
گلوکار نے کہا کہ اس گانے میں مادر وطن سے محبت کے اظہار کے لیے ایک چھوٹی سی کاوش کی ہے۔
شفقت امانت علی نے اپنے ٹویٹ میں لکھا کہ ’جو محبت اور فخر ہمیں اپنے ورثے اور اپنی مادر وطن سے محسوس ہوتا ہے اسے میں نے اس گانے میں سمو دیا ہے۔
My tribute to our nation and its freedom – a new song ‘Ghar Aangan’
The love and pride we feel in our heritage and our motherland is what I have poured into this song. #GharAangan pic.twitter.com/4hn9DIIB7D— Shafqat Amanat Ali (@ShafqatAmanatA) August 10, 2020