قومی ترانہ غلط پڑنے پرشفقت امانت علی نے قوم سے معافی مانگ لی -
The news is by your side.

Advertisement

قومی ترانہ غلط پڑنے پرشفقت امانت علی نے قوم سے معافی مانگ لی

لاہور : گلوکار شفقت امانت علی خان نے پاک بھارت ٹی ٹوئنٹی میچ سے قبل قومی ترانہ غلط پڑھنے پر قوم سے معافی مانگ لی ۔ ان کا کہنا ہے کہ سسٹم کی فنی خرابی کے باعث قومی ترانے کے الفاظ ادا کرنے میں غلطی ہوئی۔

پاک بھارت میچ کے شروع میں پاکستان کے مشہور گلوکار شفقت امانت علی کو قومی ترانہ پڑھنے کی اہم ذمہ داری سونپی گئی تھی جسے وہ بخوبی سر انجام نہ دے سکے۔

اس سارے منظر کو براہ راست پوری دنیا میں پاکستانی شائقین نے دیکھا. اورمعروف گلوکار کی اس غلطی پر شدید ردعمل کا اظہارکیا۔

شفقت امانت علی نے غلطی پر قوم سے معافی مانگ لی،کہتے ہیں یہ تاثر غلط دیا جارہا ہے کہ وہ قومی ترانہ بھول گئے تھے، ساؤنڈ سسٹم میں فنی خرابی کے باعث ترانہ وقت پر شروع نہیں کرسکا۔ جو بھی ہوا اس پر بہت افسوس ہے۔

سماجی ویب سائٹ پراپنے ٹوئٹر پیغام میں ان کا کہنا ہے کہ وہ قومی ترانہ نہیں بھولے تھے بلکہ فنی خرابی کے باعث ایسا محسوس ہوا۔ معروف گلوکار نے پاکستان ٹیم کی حوصلہ افزائی کا پیغام بھی دیا ہے۔

 

Comments

comments

یہ بھی پڑھیں