اسلام آباد: وفاقی وزیر تعلیم شفقت محمود کا کہنا ہے کہ بجٹ میں غریب آدمی پر کوئی ٹیکس نہیں لگایا گیا، گزشتہ حکومت کی جانب سے 900 ارب روپے کا گھپلہ چھپایا گیا۔
تفصیلات کے مطابق وزیر تعلیم شفقت محمود کا کہنا تھا کہ گزشتہ حکومت کی جانب سے 900 ارب روپے کا گھپلہ چھپایا گیا، گزشتہ حکومت 30 ہزار ارب روپے کے قرضہ جات چھوڑ کر گئی ہے۔
انہوں نے کہا کہ وزیر خزانہ اسد عمر نے مشکل حالات میں بجٹ پیش کیا ہے، بجٹ میں حکومت کی جانب سے بہت ریلیف دیا گیا ہے۔
انہوں نے کہا کہ بجٹ میں غریب آدمی پر کوئی ٹیکس نہیں لگایا گیا، بجٹ میں ترقیاتی کاموں کے لیے فنڈز قائم رکھے گئے ہیں۔ امید کرتے ہیں بجٹ کے اہداف کے حصول سے پاکستان آگے بڑھے گا۔
شفقت محمود کا کہنا تھا کہ پاکستان کے ایکسپورٹ کے اہداف بہت کم ہوگئے ہیں، ایکسپورٹ بڑھانے کے لیے بہت اقدامات کیے گئے ہیں، فیکٹری اور کمپنیوں کو ریلیف دینے کے لیے بھی اقدامات کیے گئے ہیں۔
Comments
- Advertisement -