پیر, مئی 12, 2025
اشتہار

تمام دینی مدارس کو وزارت تعلیم میں اندراج کرانا ہوگا، شفقت محمود

اشتہار

حیرت انگیز

اسلام آباد: وزیرتعلیم شفقت محمود کا کہنا ہے کہ ملک بھر میں تمام دینی مدارس اور یونیورسٹیوں کو وزارت تعلیم میں اندراج کرانا ہوگا۔

تفصیلات کے مطابق وفاقی دارالحکومت اسلام آباد میں صحافیوں سے گفتگو کرتے ہوئے وزیر تعلیم شفقت محمود نے کہا کہ وزارت تعلیم اپنے علاقائی دفاتر کھولے گی اور تمام مدارس کا ریکارڈ اور اعداد وشمار مرتب کرے گی۔

شفقت محمود نے کہا کہ وزارت میں رجسٹریشن نہ کرانے والے مدارس کو بند کردیا جائے گا۔ انہوں نے کہا کہ حکومت مدارس کا معیار بہتر بنانے کے لیے پرعزم ہے۔

وفاقی وزیر تعلیم نے کہا کہ طلبا کو تکنیکی اور ووکیشنل تعلیم کے مواقع بھی فراہم کیے جائیں گے۔

ملک بھر کے مدارس کی جیو ٹیگنگ اور رجسٹریشن پر رپورٹ مرتب

واضح رہے کہ ملک بھر کے دینی مدارس کو وزارت تعلیم کے ماتحت لانے کے لیے جیوٹیگنگ اور رجسٹریشن جاری ہے، نیکٹا نے پہلی رپورٹ تیار کرلی، پنجاب میں 90 فیصد رجسٹریشن مکمل کرلی گئی، ابتدائی مرحلے میں رجسٹرڈ مدارس کو ہی وزارت تعلیم کے ماتحت کیا جائے گا۔

یاد رہے کہ 29 اپریل کو پاک فوج کے شعبہ تعلقات عامہ آئی ایس پی آر کے سربراہ میجر جنرل آصف غفور نے پریس کانفرنس میں کہا تھا کہ حکومت پاکستان نے فیصلہ کیا ہے کہ مدارس کو مرکزی دھارے میں لایا جائے گا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں