کراچی: سال 2024 کے آخری دن 31 دسمبر کو شاہ لطیف میں فائرنگ سے قتل ہونیوالی خاتون کی شناخت ہوگئی۔
تفصیلات کے مطابق 31 دسمبر کو مقتولہ کو نامعلوم ملزمان نے فائرنگ کرکے قتل کیا اور فرار ہوگئے تھے، پولیس حکام نے اس واقعے سے متعلق کہا تھا کہ مقتولہ کے پاس سے 16ہزار روپے کی رقم برآمد ہوئی تھی۔
لیکن کوئی شناختی دستاویزات اور موبائل فون نہیں ملا اور جس مقام پر قتل ہوا اس کے اطراف کوئی سی سی ٹی وی کیمرا موجود نہیں تھا۔
تاہم اب پولیس کا کہنا ہے کہ قتل ہونیوالی خاتون کی شناخت ذکیہ کے نام سے ہوئی ہے جبکہ اس کے قتل میں شوہر کے ملوث ہونے کا شبہ ہے۔
کراچی : 19 سالہ لڑکی کو قتل کرنے والے کون تھے؟ پولیس نے اہم فیصلہ کرلیا
پولیس حکام کا کہنا ہے کہ خاتون کا دوسرا شوہر میانداد واقعے کے بعد سے فرار ہے، دوسرے شوہر نے خاتون کی گمشدگی یا ہلاکت پر پولیس کو اب تک آگاہ بھی نہیں کیا ہے۔
پولیس کا کہنا ہے کہ خاتون نے بھاگ کر دوسری شادی کی تھی، دوسرے شوہر نے مقتولہ کو بچوں کیساتھ شکارپور چلنے کا کہا تھا لیکن ذکیہ نے اپنے دوسرے شوہر کو شکار پور جانے سے انکار کردیا تھا۔
پولیس نے مزید کہا کہ مقتولہ کے دوسرے شوہر نے خاتون کو قتل کیا اور فرار ہوگیا، پولیس نے ملزم کی تلاش شروع کردی ہے اور خاتون کی لاش شکارپور روانہ کردی۔
