اسلام آباد: وزیرخارجہ شاہ محمود قریشی کا کہنا ہے کہ پاکستان کی 6 کمپنیاں آئندہ ہفتے سنگاپور میں اپنی پراڈکٹس متعارف کرائیں گی۔
تفصیلات کے مطابق سماجی رابطے کی ویب سائٹ ٹویٹر پر وزیرخارجہ شاہ محمود قریشی نے اپنے پیغام میں کہا کہ پاکستان کی 6 کمپنیاں آئندہ ہفتے اپنی پراڈکٹس متعارف کرائیں گی۔
شاہ محمود قریشی نے کہا کہ پراڈکس سنگاپورمیں فن ٹیک فیسٹول میں متعارف کرائی جائیں گی، پراڈکس کے لیے فیسٹول میں اسٹارٹ کر پلیٹ فارم کا استعمال ہوگا۔
6 Pakistani startups introduce their products/solutions at Singapore Fintech Festival next week on the #StartKar platform, an initiative of the Pakistan High Commission and our diaspora. Proud of our youth for leading the way in the global tech revolution.
— Shah Mahmood Qureshi (@SMQureshiPTI) November 7, 2019
وزیرخارجہ نے کہا کہ اسٹارٹ کر پلیٹ فارم پاکستانی ہائی کمیشن اور پاکستانی کمیونٹی کی کاوش ہے۔ انہوں نے مزید کہا کہ عالمی ٹیکنالوجی میں سرگرم اپنے نوجوانوں پر فخر ہے۔
اس سے قبل گزشتہ ماہ وزیرسائنس اینڈ ٹیکنالوجی فواد چوہدری کا کہنا تھا کہ ماضی میں سائنس و ٹیکنالوجی کے شعبے پر توجہ نہیں دی گئی، پاکستان کو مستقبل میں جدید ٹیکنالوجی سے استفادہ کرنا ہوگا۔
فواد چوہدری کا کہنا تھا کہ سائنس اور ٹیکنالوجی میں وزیراعظم کی خصوصی توجہ ہے، جس کے پاس سائنس اینڈ ٹیکنالوجی سے متعلق آئیڈیاز ہیں ہم سے شیئر کرے، کوشش ہے نوجوانوں کو سائنس اینڈ ٹیکنالوجی میں چارج دے سکیں۔
