اسلام آباد : وزیر خارجہ شاہ محمود قریشی اور وفاقی وزیر اطلاعات شبلی فراز نے وزیر اعلیٰ سندھ مراد علی شاہ کی جلد صحتیابی کیلئے دعا کرتے ہوئے کہا نیک تمناؤں کا اظہار کیا۔
تفصیلات کے مطابق وزیر خارجہ شاہ محمود قریشی نے وزیر اعلیٰ سندھ مراد علی شاہ کی علالت کی خبرپراظہارافسوس کرتے ہوئے ان کی جلد صحت یابی کیلئے نیک تمناؤں کا اظہار کیا۔
شاہ محمود قریشی نے کہا کہ وزیر اعلیٰ سندھ کی جلد صحت یابی کیلئے دعاگو ہوں، موسم سرما کی آمد کے ساتھ وبا سر اٹھارہی ہے، بحیثیت قوم وبائی چیلنج سے نمٹنے کیلئے احتیاطی تدابیر پرعمل پیرا ہونا ہوگا۔
وفاقی وزیر اطلاعات شبلی فراز نے سماجی رابطے کی ویب سائٹ ٹوئٹر پر اپنے پیغام میں وزیر اعلی سندھ مراد علی شاہ کی جلد صحت یابی کیلئے دعا کرتے ہوئے کہا اللہ تعالی انہیں شفاء کاملہ عطا فرمائے۔
شبلی فراز نے عوام سے اپیل کی احتیاطی تدابیر پر سختی سے عمل پیرا ہو کر خود کو اور دوسروں کو کرونا وباء سے محفوظ رکھیں۔
وزیر اعلی سندھ مراد علی شاہ کی جلد صحت یابی کیلئے دعا گو ہیں۔اللہ تعالی انہیں شفاء کاملہ عطا فرمائے۔عوام سے اپیل ہے کہ احتیاطی تدابیر پر سختی سے عمل پیرا ہو کر خود کو اور دوسروں کو کرونا وباء سے محفوظ رکھیں۔
— Senator Shibli Faraz (@shiblifaraz) November 16, 2020
وفاقی وزیر سائنس اینڈ ٹیکنالوجی فواد چوہدری نے بھی سماجی رابطے کی ویب سائٹ ٹوئٹر پر مراد علی شاہ کی جلد صحیابی کیلیے دعا کی۔
Wishing early recovery Shah g get well soon @MuradAliShahPPP https://t.co/NU03MNIB63
— Ch Fawad Hussain (@fawadchaudhry) November 16, 2020
