راولپنڈی : پی ٹی آئی رہنما شاہ محمود قریشی نے تین حلقوں سے کاغذات مسترد ہونے کا اقدام لاہورہائیکورٹ میں چیلنج کردیا۔
تفصیلات کے مطابق پی ٹی آئی رہنما شاہ محمود قریشی نے تین حلقوں سے کاغذات مسترد ہونے کیخلاف لاہورہائیکورٹ میں درخواست دائر کردی۔
جسٹس علی باقر نجفی کی سربراہی میں تین رکنی بینچ شاہ محمود قریشی کی درخواست پرسماعت کرے گا۔
یاد رہے الیکشن ٹریبونل نے پی ٹی آئی رہنما شاہ محمود قریشی کی ملتان سے تمام اپیلیں مسترد کردی تھیں اور کاغذات نامزدگی مسترد کرنے کا فیصلہ برقرار رکھا تھا ۔
دوسری جانب ٹریبونل کے فیصلےکیخلاف پیپلز پارٹی کے جمال رئیسانی نےبلوچستان ہائیکورٹ سے رجوع کرلیا، جس پر عدالت نے فریقین کو نوٹس جاری کردیے تاہم کیس کی سماعت کل ہوگی۔
اسی طرح سندھ ہائی کورٹ میں ٹربیونلز کے فیصلوں کیخلاف درخواستیں دائرکرنےکاسلسلہ شروع ہوگیا، خرم شیرزمان،آواب علوی،مزمل اسلم کے کاغذات منظور کرنےکیخلاف درخواست دائرکردی گئیں۔
