The news is by your side.

Advertisement

وزیر خارجہ 2 روزہ دورے پر مصر روانہ

اسلام آباد: وزیر خارجہ شاہ محمود قریشی مصر کے دورے پر روانہ ہوگئے، وزیر خارجہ کا کہنا ہے کہ دونوں ممالک میں معاشی تعاون کے فروغ کے لیے امکانات موجود ہیں۔

تفصیلات کے مطابق وزیر خارجہ شاہ محمود قریشی مصر کے 2 روزہ دورے پر روانہ ہوگئے، اپنے دورے کے دوران وزیر خارجہ مصر کے تاجروں اور وہاں مقیم پاکستانی برادری سے ملاقات کریں گے۔

مصر روانگی سے قبل وزیر خارجہ نے اپنے ویڈیو پیغام میں کہا کہ وہ اپنے ہم منصب کی دعوت پر مصر جارہے ہیں، مصر مسلم امہ کا اہم ملک اور افریقہ کے لیے گیٹ وے ہے۔ افریقی ممالک سے تجارتی تعلقات حکومتی ترجیحات میں شامل ہیں۔

انہوں نے کہا کہ دونوں ممالک میں معاشی تعاون کے فروغ کے لیے امکانات موجود ہیں، تعلیمی شعبے میں استفادے کے لیے جامعہ الازہر کا دورہ کرنے کی خواہش ہے۔

وزیر خارجہ کا کہنا تھا کہ پاکستان برادرانہ مراسم کے حوالے سے مصر کو بہت اہمیت دیتا ہے، پاکستان اور مصر کے تعلقات کئی دہائیوں پر محیط ہیں، دو طرفہ تعلقات یکساں عقیدے، تہذیب اور اقدار کی بنیاد پر استوار ہیں۔

Comments

یہ بھی پڑھیں