The news is by your side.

Advertisement

دہشت گردی اور منظم جرائم تمام ملکوں کے لیے خطرہ ہیں، شاہ محمود قریشی

نیویارک: وزیر خارجہ شاہ محمود قریشی نے کہا ہے کہ دہشت گردی منظم جرم ہے جو خطے کے تمام ملکوں کے لیے خطرہ ہے۔

تفصیلات کے مطابق وزیر خارجہ شاہ محمود قریشی نے سیکیورٹی کونسل میں مذاکرے سے خطاب کرتے ہوئے کہا کہ دہشت گردی سے نمٹنے کے لیے علاقائی تنظیموں اور یو این تعاون ضروری ہے، پاکستان ہر طرح کی دہشت گردی کی مذمت کرتا ہے۔

انہوں نے کہا کہ پاکستان لوگوں کوغیرقانونی طور پر رکھنے کی مذمت کرتا ہے، جنوبی ایشیا میں غربت، علاج اور سہولتوں کا فقدان ہے، جنوبی ایشیا میں امن اس وقت آئے گا جب تصادم کی جگہ تعاون کی فضا ہوگی۔

شاہ محمود قریشی نے کہا کہ غربت، جہالت اور پسماندگی دنیا کے سنگین مسائل ہیں، سیاسی مفادات ان مسائل کو مزید گھمبیر کررہے ہیں۔

مزید پڑھیں: مسئلہ کشمیر، ترک صدر نے بھرپور ساتھ دیا، بھارتی پریشانی بڑھتی جارہی ہے: شاہ محمود قریشی

وزیر خارجہ نے کہا کہ ہمارے خطے میں داعش بڑا سیکیورٹی خطرہ ہے، داعش غیرملکی دہشت گردوں کے باعث مضبوط ہورہا ہے، خطے میں امن اور استحکام کے لیے پاکستان ہر قسم کے تعاون کے لیے تیار ہے۔

انہوں نے کہا کہ دہشت گردی اور منظم جرائم کے خلاف تعاون میکنزم کو استعمال کرنا اہم ہے، تمام خطروں سے نکلنے کے لیے عالمی اور علاقائی تعاون ضروری ہے۔

شاہ محمود قریشی نے کہا کہ ایس سی او کے ملکوں کو دہشت گردی سے نمٹنے کا وسیع تجربہ ہے، پاکستان دہشت گردی کے خلاف تمام اقدامات کے لیے تیار ہے، اقوام متحدہ اور دیگر تنظیموں کو بھی آگے آنا ہوگا، خطرات سے نمٹنے کے لیے عالمی تعاون ناگزیر ہے۔

Comments

comments

یہ بھی پڑھیں