The news is by your side.

Advertisement

’دو تہائی اکثریت عوام دیں، نیا پاکستان عمران خان بنائیں گے‘

پشاور: پی ٹی آئی رہنما شاہ محمود قریشی کا کہنا ہے کہ دو تہائی اکثریت عوام دیں اور نیا پاکستان عمران خان بنائیں گے۔

اے آر وائی نیوز کے مطابق سابق وزیر خارجہ شاہ محمود قریشی نے پشاور میں جلسے سے خطاب کرتے ہوئے کہا کہ عمران خان کہتا ہے الیکشن کے لیے تیار ہوں اور مخالفین دم دبا کر چھپتے پھر رہے ہیں۔

انہوں نے کہا کہ مفاد پرست ٹولہ بک گیا لیکن پاکستان کی قوم نہیں مانے گی، مراسلہ چیف جسٹس کو بھجوا دیا،مخالفین کہتے ہیں جعلی ہے، چیف جسٹس کمیشن بنا دیں، دودھ کا دودھ پانی کا پانی ہوجائے گا۔

اس سے قبل سابق وزیر داخلہ شیخ رشید نے کہا ہے کہ 29 تاریخ تک کا وقت دیتا ہوں عمران خان کو امن کے راستے سے واپس لائیں گے۔ شیخ رشید نے کہا کہ عالمی طاقتوں نے صدام اور قذافی کیساتھ کیا کیا دنیا کو پتہ ہے لیکن آج قوم عمران خان کےپیچھےنکل آئی ہے۔

انہوں نے کہا کہ اب یہ صدرکیخلاف بھی تحریک لائیں گے ہم صدرکیخلاف ہونے والی تحریک کوناکام کریں گے ہم عمران خان کوامن کےراستےمیں واپس لائیں گے عمران خان کیلئےایک مہینے بعد جیلوں کوبھردیں گے۔

شیخ رشید نے کہا کہ بوٹ پالش والے، پلیٹ لیٹس اوپر نیچے والےواپس آگئے ہیں ہم عمران خان کو واپس لائیں گے قوم عمران خان کے پیچھے کھڑی ہے، 16تاریخ کو کراچی میں ہونے والے جلسے میں ایم کیوایم کیساتھ ہیلو ہائے کروں گا۔

Comments

یہ بھی پڑھیں