The news is by your side.

بھارت کوپیغام ہے، ہماری نئی نسل کو مت چھیڑنا، شاہ محمود قریشی

پورا ملک مسئلہ کشمیر کا حل چاہتا ہے اور یہ مذاکرات سے ہی ممکن ہے

لاہور : وزیرخارجہ شاہ محمودقریشی کا کہنا ہے پاکستان کامستقبل محفوظ ہے، دنیاایک بدلتاپاکستان دیکھ رہی ہے، بھارت کوپیغام ہےہم امن سے رہتے ہیں، ہماری نئی نسل کوچھیڑنامت، پورا ملک مسئلہ کشمیر کا حل چاہتا ہے اور یہ مذاکرات سے ہی ممکن ہے۔

تفصیلات کے مطابق لاہور میں وزیر خارجہ شاہ محمود قریشی نے تقریب سے خطاب کرتے ہوئے کہا نیشنل ایکشن پلان پرعمل درآمدکیاجارہاہے، ضرب عضب اور ردالفساد سے دہشتگردی کےخلاف کامیابی حاصل کی، پاکستان میں آدھی سے زیادہ آبادی نوجوانوں کی ہے۔

وزیر خارجہ کا کہنا تھا خوشی ہوئی آج بھی قوم میں موجودسپوت پونجی ملک پرصرف کرنےکوتیارہیں، مجھےیقین ہےپاکستان کامستقبل محفوظ ہے، دنیا دیکھ  رہی ہےبدلتا ہواپاکستان، کسی کوشک تھاتو بھارتی جارحیت کےجواب سےدنیاکوپیغام مل گیا، یہ پرانانہیں نیاپاکستان ہے۔

بھارتی جارحیت کےجواب سےدنیاکوپیغام مل گیا، یہ پرانانہیں نیاپاکستان ہے

شاہ محمودقریشی نے کہا بھارت کوپیغام ہےامن سےرہتےہیں لیکن ہماری نئی نسل کومت چھیڑنا، ملک میں بہت سےلوگ ہیں جنہوں نےمایوسی دیکھی ہے ، لوگوں نےامیرطبقہ دیکھاجویہاں دولت کماتااوربیرون ملک لےجاتاتھا۔

ان کا کہنا تھا آج ملک کی اکثریت نوجوانوں کی ہے، مجھےیقین کامل ہے نوجوان وہ طبقہ ہیں جوپاکستان کوترقی پرلےجائیں گے، یقین ہےآپ پاکستان کو وہ  مقام دلائیں گےجس کاخواب اقبال نےدیکھاتھا۔

پاکستان تحریک انصاف کی کامیابی میں بڑاحصہ نوجوان طبقے کاہے

وزیر خارجہ نے کہا پاکستان کانوجوان طبقہ ووٹرنہ ہوتا تو آج میں اسٹیج پر نہ کھڑاہوتا، پاکستان تحریک انصاف کی کامیابی میں بڑاحصہ نوجوان طبقے کاہے، ہماری کوشش اوردعاہےاللہ ہمیں نیک اراروں میں کامیابی دے، قوم بہت ٹیلنٹڈہے،ایسی قیادت چاہئےجودرست سمت پرگامزن کردے، اب نیاپاکستان بنانےکاوقت آگیاہے۔

شاہ محمودقریشی کا کہنا تھا پاکستان نےدہشت گردی کیخلاف بےمثال کامیابی حاصل کی، پورا ملک مسئلہ کشمیر کا حل چاہتا ہے اور یہ مذاکرات سے ہی ممکن ہے ، ہم اپنے ملک کو دفاع بہتر انداز سے کرسکتے ہیں، ہم امن کے لیے مذاکرات کو ترجیح دیتے ہیں۔

گذشتہ روز وزیرخارجہ شاہ محمودقریشی نے میڈیا سےگفتگو کرتے ہوئے کہا تھا عمران خان سمجھتےہیں قانون کوآگےبڑھناچاہیے ، نیب ہمارےماتحت نہیں،مداخلت کرناہماراکام ہی نہیں بنتا۔

شاہ محمودقریشی کا کہنا تھا پاکستان کوگرے سے بلیک لسٹ میں دھکیلنے کی کوشش ہورہی ہے، عمران خان کی سنجیدگی کا پتہ چل جائے گا ، پچھلے سالوں میں کرپشن کس نےکی سب کوپتہ ہے ، ووٹرز کنفیوز ہوگئے ہیں ، ایسے سیاست کیخلاف آوازیں اٹھ رہی ہیں۔

Comments

یہ بھی پڑھیں