The news is by your side.

Advertisement

مسئلہ کشمیر، ترک صدر نے بھرپور ساتھ دیا، بھارتی پریشانی بڑھتی جارہی ہے: شاہ محمود قریشی

نیویارک: پاکستان وزیرخارجہ شاہ محمود قریشی نے کہا ہے کہ ترک صدرنے پاکستانی موقف کا بھرپورساتھ دیا ہے.

ان خیالات کا اظہار انھوں نے اقوام متحدہ کے ہیڈ کوارٹرز میں ’نفرت انگیز مواد‘ کی روک تھام کے سلسلے میں کانفرنس کے بعد کیا.

انھوں نے کہا کہ ترک صدر نے اقوام متحدہ کے اجلاس میں بھی کشمیر کا مسئلہ اٹھایا، انھوں نے اقوام متحدہ میں کشمیرکامسئلہ بھرپوراندازمیں اٹھایا.

وزیر خارجہ نے کہا کہ آج کشمیرسے متعلق کچھ اہم ملاقاتیں ہورہی ہیں، ترک اورپاکستان کی مشترکہ اہم نشست تھی، نشست میں اسلاموفوبیان سےمتعلق ایشوز کا اجاگر کیا گیا.

مزید پڑھیں: مسلمان دنیا بھر میں نفرت انگیز تقاریر سے سب سے زیادہ متاثر ہوئے: ترک صدر

وزیراعظم عمران خان کی آج اہم ملاقاتیں ہوئی ہیں، ایک اورمیٹنگ ہونے جارہی ہے، جس میں ترکی اور ملائیشیا کے وزیراعظم ملیں گے.

انھوں نے کہا کہ اقوام متحدہ میں اہم ایشوزپراتفاق رائے سے بڑھنے پر بات ہوگی، کل رات عشائیے میں اوآ ئی سی کے مختلف وزرائے خارجہ تشریف لائے، عشائیےکےموقع پرمسئلہ کشمیرسےمتعلق بھی بات چیت ہوئی.

انھوں نے کہا کہ سرد مہری کی برف پگھل رہی ہے اور ایک ماحول بن رہا ہے، حالات سازگار ہو رہے ہیں اوربھارت کی پریشانی میں اضافہ ہوتاجارہا ہے.

Comments

comments

یہ بھی پڑھیں