لاہور: پاکستان تحریک انصاف کے رہنما شاہ محمود قریشی کا کہنا ہے کہ کسی کو برا لگے یا اچھا بانی پی ٹی آئی سیاسی حقیقت ہیں۔
تفصیلات کے مطابق پاکستان تحریک انصاف کے رہنما شاہ محمود قریشی نے کوٹ لکھپت جیل میں صحافیوں سےغیر رسمی گفتگو کرتے ہوئے کہا کہ کسی کو برا لگےیا اچھابانی پی ٹی آئی سیاسی حقیقت ہیں ،بانی پی ٹی آئی کی سیاسی حقیقت کو تسلیم کیےبغیر سیاسی استحکام نہیں آسکتا۔
رہنما پی ٹی آئی کا کہنا تھا کہ ایک دوسرے کو غدار ، غدار کہنا بند ہونا چاہیے ، محمود خان اچکزئی آئین کی بالا دستی چاہتےہیں،بلوچستان میں امن کا راستہ مذاکرات سے ہو کر گزرتا ہے۔
رہنما پاکستان تحریک انصاف نے گولڈ میڈل کی جیت پر ارشد ندیم ، اُن کے گھر والوں اور قوم کو مبارک باد دی۔
انھوں نے کہا کہ جماعت اسلامی کے معاہدے پر عمل درآمد ہو، حکومت ایک طرف جماعت اسلامی کیساتھ معاہدہ کررہی ہے اور دوسری طرف بجلی کی قیمت بڑھا رہی ہے۔ خدا کے واسطے اس ملک کے ساتھ غدار غدار کھیلنا بند کریں۔
