The news is by your side.

Advertisement

مودی خطے کو آگ میں دھکیل رہے ہیں، دلی سرکار پلوامہ پر سیاست کر رہی ہے: وزیر خارجہ

لاہور: وزیر خارجہ شاہ محمود قریشی نے کہا ہے کہ نریندر مودی پورے خطےکو آگ میں دھکیل رہے ہیں، دلی سرکار پلوامہ واقعے پر سیاست کر رہی ہے۔

ان خیالات کا اظہار  انھوں نے لاہور میں گورنر  پنجاب چوہدری سرور کے ساتھ خصوصی گفتگو کرتے ہوئے کیا، انھوں نے کہا کہ بھارت نےجوچال چلی وہ الٹی ہوگئی۔

وزیر خارجہ شاہ محمود قریشی نے کہا کہ بھارت سے بھی آوازیں اٹھنے لگیں کہ مودی نے کھوئی ہوئی مقبولیت بڑھانے کے لئے یہ ڈراما کیا، مزید ملٹری فرنٹ کو استعمال نہیں کرنا چاہتے، جارحیت ہوئی تو دفاع کریں گے۔

بھارت نے جوچال چلی وہ الٹی ہوگئی

وزیر خارجہ

انھوں نے بھارت کو امن کا پیغام دیتے ہوئے کہا کہ پاک فوج نے اپنی صلاحیتوں سے بھارت کو واضح پیغام دے دیا، ہم خطے میں امن کے لئے کردار ادا کرنا چاہتے ہیں، بھارت بھی آگے بڑھے۔

شاہ محمود قریشی کے بہ قول سفارت کاری پہلاحربہ ہوتا ہے، ملٹری فرنٹ آخری حربہ ہوتا ہے. ہم نے سفارتی محاذ پر بھرپور جنگ لڑی، دنیا نے تسلیم کیا کہ دہشت گردی کے خلاف پاک فوج کا کردار مثالی ہے، بھارتی میڈیا نے کشیدگی کو ہوا دی، جب کہ پاکستانی میڈیا کا کردار مثالی رہا.

ان کا کہنا تھا کہ جمہوریت میں پارلیمنٹ کواہمیت دی جاتی ہے، پارلیمنٹ کامشترکہ اجلاس دو دن جاری رہا، قرارداد کے ذریعے ہم نے ایک واضح پیغام دیا، بھارت کو بھی خطےکےامن کے لئےکردارادا کرنا چاہیے.

شاہ محمود قریشی نے کہا کہ کل روس کے وزیر خارجہ سے میری گفتگو ہوئی، سفارتی محاذ پر ہم نے سیکریٹری جنرل یواین کوکردار ادا کرنےکی درخواست کی ہے، برطانوی ہاؤس آف کامنس اپناکردارادا کریں۔

سعودی وزیرخارجہ سےبات ہوئی ہےوہ پاکستان آرہے ہیں

وزیر خارجہ

وزیر خارجہ نے کہا کہ موجودہ صورت حال میں امریکا کو بھی اپنا کردارادا کرنا چاہیے، یورپی ارکان پارلیمنٹ کو بھی خط لکھنے کا فیصلہ کیا گیا ہے، سعودی وزیرخارجہ سےبات ہوئی ہےوہ پاکستان آرہے ہیں۔

ان کا کہنا تھا کہ بھارتی پائلٹ کوامن کیے لئے رہا کیا، کسی کمزوری کے تحت نہیں، ہم نےاپنے ہاؤس کو ان آرڈر کر لیا ہے۔

ایک سوال کے جواب میں ان کا کہنا تھا کہ شاکر اللہ کی حفاظت کرنا بھارت کی ذمہ داری تھی، بھارت اپنی ذمہ داری نبھانے میں ناکام رہا.

گورنر پنجاب کا موقف


اس موقع پرگورنر پنجاب نے کہا کہ وزیراعظم نے پاکستان کا موقف بھرپوراندازمیں پیش کیا، موجودہ صورت حال میں برطانوی ارکان پارلیمنٹ سےمیری بات ہوئی ہے.

انھوں نے کہا کہ برطانوی پارلیمنٹ موجودہ صورت حال میں قرارداد منظور کرے گی، مقبوضہ کشمیرمیں ظلم وبربریت چھپانے کے لئےمودی یہ سب کررہاہے، الیکشن جیتنے کے لئے خطےکو جنگ کر طرف دھکیلا جارہا ہے.

Comments

comments

یہ بھی پڑھیں