اسلام آباد: وزیر خارجہ شاہ محمود قریشی نے کہا ہے کہ دنیا اور بھارت پر واضح کردیا کہ پلوامہ واقعے کا تعلق پاکستان سے نہیں.
تفصیلات کے مطابق ان خیالات کا اظہار وزیر خارجہ شاہ محمود قریشی نے اے آر وائی نیوز سے خصوصی گفتگو کرتے ہوئے کیا، ان کا کہنا تھا کہ پاک فوج کو فی الفور کارروائی کا پورا اختیار دیا ہے.
[bs-quote quote=”دنیا اور بھارت پر واضح کردیا کہ پلوامہ واقعے کا تعلق پاکستان سے نہیں” style=”style-8″ align=”left” author_name=”شاہ محمود قریشی”][/bs-quote]
انھوں نے کہا کہ پاکستان کی سمت کیا ہونی چاہیے، آج ہم نے اس ضمن میں بڑے واضح فیصلے کئے ہیں، واضح کرتے ہیں کہ پلوامہ واقعے کا تعلق پاکستان سے نہیں.
شاہ محمودقریشی نے مزید کہا کہ مقبوضہ کشمیر کے حالات بھارت کی حرکتوں کی وجہ سے بگڑے ہیں، بھارتی حکومت براہ راست اس کی ذمے دار ہے.
مزید پڑھیں: وزیرِ اعظم نے مسلح افواج کو کسی بھی جارحیت کے جواب کا اختیار دے دیا
یاد رہے کہ وزیر اعظم کی زیر صدارت منعقدہ قومی سلامتی کمیٹی کے اجلاس میں فیصلہ کیا گیا کہ بھارت کی جانب سے ہونے والی کسی بھی جارحیت کا منہ توڑ جواب دیا جائے گا۔
قومی سلامتی اجلاس میں وزیرِ اعظم پاکستان نے مسلح افواج کو بھارت کی جانب سے کسی بھی جارحیت کا بھرپور جواب دینے کا اختیار دے دیا.
