اسلام آباد: وزیر خارجہ شاہ محمود قریشی نے کہا ہے کہ سیاسی انتقام نہ ہمارا مقصد تھا اور نہ ہے.
ان خیالات کا اظہار ا نھوں نے سینیٹ میں خطاب اور بعد ازاں سینیٹ کے باہر میڈیا سے گفتگو کرتے ہوئے کیا.
شاہ محمود قریشی نے کہا کہ ملک کو لوٹنے والوں کو ہر صورت کٹہرے میں کھڑا کیا جائے گا.
ان کا کہنا تھا کہ شہبازشریف کی گرفتاری کو سیاسی رنگ دینا غلط ہے، بدقسمتی سے اپوزیشن اس گرفتاری کوسیاسی رنگ دے رہی ہے.
وفاقی وزیر خارجہ نے کہا کہ ملک کو ماضی میں بے دردی سےلوٹا گیا، اپوزیشن میں بات سننے کا حوصلہ بھی ہونا چاہیے.
انھوں نے کہا کہ پاک بھارت مذاکرات2015 سے تعطل کا شکار ہیں، بھارت مذاکرات سے کترا رہا ہے، بھارت نے پاکستان سے بات کا اقرار کر کے انکارکیا ہے.
مزید پڑھیں: آزاد عدلیہ اور ایک آزاد ادارے کے فیصلے کا احترام سب کو کرنا ہوگا، شاہ محمود قریشی
شاہ محمود قریشی کا کہنا تھا کہ بھارت میں الیکشن آرہے ہیں، اس لئےاقرارکر کے مذاکرات نہ کئے.
وفاقی وزیر خارجہ کا کہنا تھا کہ ماضی میں سیاسی انتقام کوڈھال کے طورپراستعمال کیا گیا، ملک کوماضی میں بےدردی سےلوٹا گیا.
واضح رہے کہ گذشتہ دنوں مسلم لیگ ن کے صدر میاں شہباز شریف کو آشیانہ اسکینڈل میں نیب نے گرفتار کرکے ان کا ریمانڈ حاصل کیا ہے.
