The news is by your side.

Advertisement

پاکستان کے پاس جنگ کا کوئی آپشن نہیں، ترجیح ہمیشہ امن ہے، شاہ محمود قریشی

اسلام آباد: وزیرخارجہ شاہ محمود قریشی کا کہنا ہے کہ پاکستان نے مذاکرات سے کبھی انکار نہیں کیا، بھارت میں مذاکرات کا ماحول نہیں ہے۔

تفصیلات کے مطابق وزیرخارجہ شاہ محمود قریشی نے برطانوی خبررساں ادارے کو انٹرویو میں کہا کہ پاکستان کو بھارت سے دوطرفہ مذاکرات پراعتراض نہیں ہے۔

انہوں نے کہا کہ پاکستان نے مذاکرات سے کبھی انکار نہیں کیا، بھارت میں مذاکرات کا ماحول نہیں ہے۔

شاہ محمود قریشی نے کہا کہ بھارت فوری کرفیو ہٹائے، کشمیری قیادت کو رہا کرے۔ انہوں نے کہا کہ مجھے کشمیری قیادت سے ملنے کی اجازت دے تو مذاکرات ہوسکتے ہیں۔

وزیرخارجہ نے کہا کہ پاکستان کے پاس جنگ کا کوئی آپشن نہیں ہے، ترجیح ہمیشہ امن ہے، ایک سال میں متعدد بار بھارت کو مسائل پر مذاکرات سے حل کرنے کو کہا۔

شاہ محمود قریشی نے کہا کہ 26 فروری کوجارحیت کا منہ توڑ جواب دیا، بھارت کے 2 طیارے مار گرائے، پائلٹ کو گرفتار کیا۔ انہوں نے مزید کہا کہ غزنوی میزائل کا تجربہ کیا، قوم بالکل تیار ہے۔

مقبوضہ کشمیرمیں 27ویں روز بھی کرفیو

واضح رہے کہ مقبوضہ کشمیر میں آج مسلسل 27ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

Comments

comments

یہ بھی پڑھیں