راولپنڈی : پاکستان تحریک انصاف کے رہنما شاہ محمود قریشی کو اڈیالہ جیل سے لاہور منتقل کردیاگیا، ان پر لاہورمیں 9 مئی کے متعدد مقدمات درج ہیں۔
تفصیلات کے مطابق پاکستان تحریک انصاف (پی ٹی آئی) شاہ محمود قریشی کو اڈیالہ سے لاہور کوٹ لکھپت جیل منتقل کر دیا گیا۔
جیل ذرائع نے بتایا کہ شاہ محمودکوآج لاہور کی انسداددہشت گردی عدالت پیش کیاجائے گا۔
ذرائع کا کہنا تھا کہ رہنما پی ٹی آئی پرلاہورمیں 9 مئی کے متعدد مقدمات درج ہیں ، لاہور پولیس جیل میں 9 مئی مقدمات پر ان سے تفتیش کرچکی ہے۔
یرسٹرتیمورملک نے نے بتایا کہ انسداددہشت گردی عدالت کے جج آج کوٹ لکھپت جیل میں سماعت کریں گے۔
دوسری جانب تھانہ شادمان 9 مئی جلاؤ گھیراؤکیس کا اےٹی سی میں جیل ٹرائل ہوا، رہنما پی ٹی آئی کو اڈیالہ جیل سے کوٹ لکھپت جیل میں پیش کیا گیا۔
عدالت میں تحریک انصاف کے رہنما کو چالان کی نقول فراہم کی گئیں ، جس کے بعد عدالت نے سماعت 15 جولائی تک ملتوی کر دی اور کہا آئندہ سماعت پر ملزمان پر فرد جرم عائد کی جائے گی۔
