اسلام آباد: وفاقی وزیر خارجہ شاہ محمود قریشی نے حریت رہنما سید علی گیلانی سے رابطہ کیا ہے، دونوں رہنماؤں کے درمیان مقبوضہ کشمیر کی صورت حال پر بات چیت کی گئی۔
سفارتی ذرائع کے مطابق وفاقی وزیر خارجہ شاہ محمود قریشی نے حریت رہنما سید علی گیلانی سے رابطہ کیا، دونوں رہنماؤں کے درمیان قابض بھارتی فوج کی جانب سے انسانی حقوق کی سنگین خلاف ورزیوں پر تبادلہ خیال کیا گیا۔
سفارتی ذرائع کے مطابق سید علی گیلانی نے جموں و کشمیر کا مسئلہ اجاگر کرنے پر پاکستان کے کردار کی تعریف کی، لندن میں ہونے والی کشمیر کانفرنس اور اقوام متحدہ کی کشمیر پر رپورٹ پر بھی تبادلہ خیال کیا گیا۔
واضح رہے کہ شاہ محمود قریشی کا کہنا تھا کہ لندن میں مقبوضہ کشمیرسےمتعلق انٹرنیشنل کانفرنس ہورہی ہے، بھارت کا میرواعظ عمرفاروق سے رابطے پراعتراض کی حیثیت نہیں، کل مقبوضہ کشمیر کانفرنس میں شرکت کے لیے روانہ ہورہا ہوں۔
بھارت سے مذاکرات کے حوالے سے شاہ محمود قریشی کا کہنا تھا کہ بھارت میں جو بھی حکومت آئےگی پاکستان بات چیت کے لئے تیار ہے۔
بھارتی سیکیورٹی فورسز حریت رہنماؤں کو گھروں میں نظر بند کرچکی، ترجمان دفتر خارجہ
دوسری جانب ترجمان دفتر خارجہ ڈاکٹر نے کہا ہے کہ بھارتی فوج کی گھر گھر تلاشی، محاصرے کی کارروائیوں میں اضافہ ہوا ہے، بھارتی سیکیورٹی فورسز حریت رہنماؤں کو گھروں میں نظر بند کرچکی ہے۔
سماجی رابطے کی ویب سائٹ ٹویٹر پر ڈاکٹر فیصل کا کہنا تھا کہ بھارتی فورسز کے ایسے ظالمانہ اقدامات کشمیری عوام کی تحریک کو دبا نہیں سکتے ہیں۔
Indian panic in IOK, in PM Modi’s visit is evident by intensified repressive measures, including arrests/House arrests of Hurriyat leadership, increased so called cordon and search operations & continuing killings of Kashmiris 1/2 #kashmirbleeds
— Dr Mohammad Faisal (@DrMFaisal) February 2, 2019
