ممبئی : بالی وڈ کے کنگ شاہ رخ خان کی 2023 میں آنے والی اپنی نئی فلم ’جوان‘ کا ٹریلر ریلیز کردیا گیا ہے جس کے بعد کنگ خان کے مداحوں میں خوشی کی لہر دوڑ گئی ہے۔
بالی ووڈ کی کامیاب آن اسکرین جوڑی کے طور پر شاہ رخ خان اور دیپیکا پڈوکون ایک بار پھر ایک ساتھ فلم جوان میں نظر ٓئیں گے۔
اس حوالے سے فلمی ذرائع کا کہنا ہے کہ شاہ رخ کی اس نئی فلم کا ٹائٹل ماضی کی مشہور و معروف فلم اوم شانتی اوم کا ہی تسلسل ہے۔
فلم جوان میں شاہ رخ خان باپنی یوی دیپیکا پڈوکون کی موت کا بدلہ لیں گے، دلچسپ بات یہ ہے کہ یہ فلم شائقین کو اوم شانتی اوم سے شانتی پریا اور ٹام کی موت کی یاد دلائے گی۔
کنگ خان کے علاوہ فلم میں نینتھارا، سانیا ملہوترا، پریامانی، سنیل گروور کے ساتھ یوگی بابو، سمرجیت سنگھ ناگرا اور منہر کمار بھی معاون کرداروں میں شامل ہیں۔
مذکورہ فلم شاہ رخ خان اور ان کی اہلیہ گوری کی پروڈکشن کمپنی ریڈ چلیز انٹرٹینمنٹ ایٹلی کمار کی زیر قیادت بنائی جائے گی۔
فلم جوان 2 جون 2023 کو پانچ زبانوں بشمول ہندی، تامل، تیلگو، ملیالم اور کنڑ میں سینما گھروں کی زینت بنے گی۔
