بالی ووڈ کے معروف اداکار شاہ رخ خان نے عمرے کی سعادت حاصل کرلی۔
خلیج ٹائمز کی رپورٹ کے مطابق اداکار شاہ رخ خان نے بیت اللہ شریف پہنچنے پر اللہ کا شکر ادا کیا، تصاویر میں انہیں مکہ المکرمہ میں احرام میں دیکھا جاسکتا ہے۔
شاہ رخ خان نے حال ہی میں جدہ میں فلم کی شوٹنگ مکمل کی تھی اور شیڈول سے وقت نکال کر مقدس شہر مکہ مکرمہ روانہ ہوئے۔
کنگ خان کے مداحوں کی جانب سے انہیں عمرے کی ادائیگی پر مبارک باد دی جارہی ہے۔
ایک مداح نے لکھا کہ ’مجھے یہ دیکھ کر بہت خوشی ہوئی کہ آپ نے عمرہ ادا کیا، دلی خواہش تھی کہ آپ عمرے کی سعادت حاصل کریں، اللہ آپ کی تمام عبادات اور دعائیں قبول فرمائے۔ آمین۔‘
Mashallah 👏
Shah Rukh Khan performing Umrah at Makka Sharif ❤️@iamsrk#ShahRukhKhan #SRK #KingKhan pic.twitter.com/bSVEvowt8Q
— Team Shah Rukh Khan Fan Club (@teamsrkfc) December 1, 2022
دوسرے مداح نے لکھا کہ کنگ خان کو مکہ المکرمہ اور مدینہ منورہ صلی اللہ علیہ وآلہ وسلم میں دیکھا۔‘
واضح رہے کہ شاہ رخ خان کی آنے والی فلموں میں ’پٹھان‘ اور ’ڈنکی‘ شامل ہیں، پٹھان کی کاسٹ میں جان ابراہم، دپیکا پڈوکون شامل ہیں۔
A very big Shukran to @mocsaudi_en , the team and all who made this shoot schedule of #Dunki so smooth… pic.twitter.com/gjCqCMRSZk
— Shah Rukh Khan (@iamsrk) November 30, 2022
