بالی ووڈ کے کنگ شاہ رخ خان نے پاکستانی مداح شانزہ کا خواب پورا کردیا جس کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق اداکار شاہ رخ خان نے دبئی کے گلوبل ولیج میں ہونے والی تقریب میں شانزہ نامی پاکستانی مداح سے ملاقات کی جس کی ویڈیو سوشل میڈیا کی زینت بن گئی۔
انہوں نے مداح کو اسٹیج پر خوش آمدید کہا اور مداح کی فرمائش پر ان کے لیے اپنی فلم کا ڈائیلاگ بھی بولا۔
شاہ رخ خان نے دلچسپ انداز میں شانزہ کی یہ فرمائش پوری کی جس پر ہال تالیوں سے گونج اٹھا۔
اداکار کہتے ہیں کہ ’میری آنکھوں میں دیکھو، میرے قریب آؤ، تھوڑا اور قریب، پھر وہ کہتے ہیں کہ اس سے زیادہ اور قریب آنے کی اجازت بھی نہیں ہے۔‘
وائرل ویڈیو پر سوشل میڈیا صارفین کی جانب سے تبصرے بھی کیے جارہے ہیں۔
ایک صارف نے کہا کہ شانزہ خوش قسمت ہیں کہ ان کی شاہ رخ سے ملاقات ہوگئی، جبکہ کچھ صارفین شاہ رخ کے ڈائیلاگ کی بھی تعریف کررہے ہیں، ایک خاتون نے کہا کہ میں اس لڑکی سے حسد کررہی ہوں۔
