برطانیہ کے معروف پاپ گلوکار ایڈ شیران نے بالی وڈ کے سپر اسٹار شاہ رخ خان کے ساتھ انکا سگنیچر پوز دیتے ہوئے ویڈیو جاری کردی۔
برطانیہ کے معروف پاپ گلوکار ایڈ شیران ان دنوں بھارت کے دورے پر آئے ہوئے ہیں ان کی بالی ووڈ ستاروں اور گلوکاروں کے ساتھ پارٹی کی ویڈیوز اور تصاویر بھی سوشل میڈیا پر وائرل ہے۔
View this post on Instagram
تاہم اب فوٹو اینڈ شیئرنگ ایپ انسٹاگرام پر امریکی گلوکار ایڈ شیران نے خود بالی ووڈ اسٹار شاہ رخ خان کے ہمراہ یادگار لمحے کی ویڈیو شیئر کی ہے۔
ویڈیو میں ایڈ شیران کو شاہ رخ خان کے برابر میں کھڑے ہوئے دیکھا جاسکتا ہے جبکہ دونوں ’ایس آر کے سگنیچر پوز‘ دیتے ہوئے نظر آرہے ہیں۔
View this post on Instagram
اس ویڈیو کے ساتھ ایڈ شیران نے بطور کیپشن لکھا کہ ’یہ ہے شیپ آف اَس، ایک ساتھ محبت پھیلاتے ہوئے‘ ساتھ ہی ویڈیو میں شاہ رخ خان کے پوز کے علاوہ ان کی فلم ’اوم شانتی اوم‘ کا ٹائٹل سانگ بھی سنا جاسکتا ہے۔
View this post on Instagram
دوسری جانب فرح خان نے بھی اس ویڈیو کو انسٹاگرام پر شیئر کی ہے جس میں انہوں نے بتایا کہ وہ اس بات پر بے حد خوش ہیں کہ انہوں نے شاہ رخ خان اور ایڈ شیران کو ہدایتکاری دی۔