ممبئی : بھارتی فلم انڈسٹری کے سُپر اسٹار شاہ رُخ خان کی فلم "پٹھان” اپنی ریلیز کے دو ہفتے بعد بھی شہرت کی بلندیوں پر براجمان ہے۔
دیپیکا اور شاہ رخ خان کی نئی فلم "پٹھان” نے پہلے ہی دن باکس آفس پر تہلکہ مچا دیا تھا جس کے بعد یہ سلسلہ تھنے کا نام نہیں لے رہا، محض 13 دن میں4ارب 22کروڑ کا بزنس کرلیا۔
بھارتی میڈیا رپورٹ کے مطابق مذکورہ فلم مسلسل کامیابی کے قدم بڑھاتی جارہی ہے یہاں تک کہ اس نے فلم "کے جی ایف ٹو” کو بھی پیچھے چھوڑ دیا ہے۔
#Pathaan is SUPER-STRONG on [second] Mon [weekday rates], especially after collecting a HUMONGOUS TOTAL till Weekend 2… Inches closer to #KGF2 #Hindi *lifetime biz*… [Week 2] Fri 13.50 cr, Sat 22.50 cr, Sun 27.50 cr, Mon 8.25 cr. Total: ₹ 422.75 cr. #Hindi. #India biz. pic.twitter.com/M9UinfXkLp
— taran adarsh (@taran_adarsh) February 7, 2023
کنگ خان کی فلم "پٹھان” اس وقت سنیما گھروں میں کامیابی کی ضمانت ہے، فلم کو ریلیز ہوئے 13 دن ہی ہوئے ہیں اور اس قلیل مدت میں ہی ملکی سطح پر اس کی کمائی تقریباً 422 کروڑ روپے تک جا پہنچی ہے۔
اگر عالمی سطح پر فلم ’پٹھان‘کی کمائی پر نظر ڈالی جائے تو یہ رقم تقریباً 960 کروڑ روپے بنتی ہے، یعنی 1000 کروڑ روپے کمائی والے کلب میں جلد ہی اس کا شمار ہوجائے گا۔
واضح رہے کہ ہندی زبان میں سب سے زیادہ کمائی کے معاملے میں "باہوبلی ٹو” سب سے آگے ہے جس نے 510 کروڑ روپے اپنے نام کیے تھے لیکن جس رفتار سے فلم "پٹھان” کو پذیرائی مل رہی ہے، یہ ریکارڈ بھی ٹوٹ جائے تو کسی کو حیرانی نہیں ہوگی۔
