The news is by your side.

Advertisement

سعودی عرب : امیر کویت کا شاہ سلمان بن عبدالعزیز کے لیے اہم پیغام

ریاض : کویت کے امیر شیخ نواف الاحمد الجابر الصباح نے شاہ سلمان بن عبدالعزیز کے نام ایک اہم پیغام بھیجا ہے، کویتی وزیر خارجہ نے ریاض پہنچ کر اپنے سعودی ہم منصب کے حوالے کیا۔

خادم حرمین شریفین شاہ سلمان بن عبدالعزیز کو امیر کویت شیخ نواف الاحمد الجابر الصباح کا مکتوب جمعے کو موصول ہوا ہے۔

سعودی خبررساں ادارے ایس پی اے کے مطابق کویتی وزیر خارجہ ڈاکٹر احمد ناصر الصباح نے جو قائم مقام وزیر اطلاعات بھی ہیں ریاض میں مکتوب سعودی وزیر خارجہ شہزادہ فیصل بن فرحان کے حوالے کیا ہے۔

کویتی وزیر خارجہ جمعے کو ریاض پہنچے تھے، شہزادہ فیصل بن فرحان نے کنگ خالد انٹرنیشنل ایئرپورٹ استقبال کیا بعد ازاں کویتی وزیر کو ایئرپورٹ پر الوداع بھی کہا۔

علاوہ ازیں خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان نے نئے کورونا وائرس میں مبتلا ہونے پر الجزائر کے صدر عبدالمجید تبون کی خیریت دریافت کی ہے۔

سعودی خبررساں ادارے ایس پی اے کے مطابق شاہ سلمان نے صدر الجزائر کے نام پیغام میں کہا کہ ہمیں کورونا وائرس میں مبتلا ہونے کی اطلاع ملی ہے، آپ کی مکمل صحتیابی کے آرزو مند اور اس عارضی بیماری سے فوری شفا کے لیے دعا گو ہیں۔

ولی عہد ، نائب وزیراعظم و وزیر دفاع شہزادہ محمد بن سلمان نے بھی صدر تبون کے نام پیغام ارسال کیا ہے۔ انہوں نے اپنے پیغام میں کہا کہ میری آرزو ہے کہ آپ کورونا وائرس کی تکلیف سے جلد ازجلد شفا یاب ہوجائیں۔

Comments

یہ بھی پڑھیں