The news is by your side.

Advertisement

شاہ سلمان بن عبدالعزیز سے متعلق بڑی خبر آگئی، ویڈیو جاری

ریاض: سعودی عرب کی شاہی عدالت نے بیان جاری کیا ہے کہ سعودی عرب کے بادشاہ شاہ سلمان بن عبدالعزیز طبی معائنے اور علاج کے بعد ہسپتال سے رخصت ہوگئے۔

خادم حرمین شریفین شاہ سلمان بن عبدالعزیز طبی معائنے کے بعد جدہ کے کنگ فیصل اسپیشلسٹ ہسپتال میں زیر علاج تھے وہ ہسپتال سے کامل صحت یابی کے بعد ڈسچارج ہوگئے ہیں۔

سرکاری خبر رساں ایجسنی کے مطابق شاہ سلمان نے اس موقع پر سعودی عوام کا شکریہ ادا کرتے ہوئے کہا کہ سعودی عوام اور اپنے ان بیٹوں اور بیٹیوں کے شکر گزار ہیں جنہوں نے صحت یابی کے لیے دعائیں کیں۔

شاہ سلمان بن عبدالعزیز کے ہسپتال سے ڈسچارج ہونے کی اطلاع پر سوشل میڈیا پر صارفین نے دلی مسرت کا اظہار کیا ہے۔

صارفین نے خوشی کا اظہار کرتے ہوئے دعا کی کہ اللہ تعالی شاہ سلمان کو صحت و سلامتی سے نوازتا رہے۔ صحت یابی پر سب خوش ہیں۔ بیشتر صارفین نے درازی عمر کی دعائیں دی ہیں۔

یاد رہے کہ شاہ سلمان بن عبدالعزیز نے اتوار 8 مئی کو جدہ کے کنگ فیصل سپیشلسٹ ہسپتال میں کولونو سکوپی کرائی، اس کا نتیجہ تسلی بخش رہا تھا۔

ایوان شاہی نے بیان میں کہا تھا کہ شاہ سلمان بن عبدالعزیز جدہ کے کنگ فیصل سپیشلسٹ ہسپتال میں طبی معائنے کے لیے داخل ہوئے تھے جہاں کولونو سکوپی کی گئی، نتیجہ مثبت رہا۔

بیان میں کہا گیا تھا کہ ’ڈاکٹروں نے معائنے کے بعد شاہ سلمان کو آرام کے لیے کچھ وقت ہسپتال میں رہنے کا مشورہ دیا ہے۔

قبل ازیں ایوان شاہی نے اعلان کیا تھا کہ شاہ سلمان بن عبدالعزیز سنیچر7 مئی کو معائنے کے لیے کنگ فیصل سپیشلسٹ ہسپتال میں داخل ہوئے ہیں۔

Comments

یہ بھی پڑھیں