سعودی کابینہ نے مالیاتی سال 2024 کے قومی بجٹ کی منظوری دی ہے، آمدنی کا تخمینہ ایک ٹریلین 172ارب ریال اور اخراجات کا تخمینہ ایک ٹریلین251 ارب ریال کا ہے۔
غیر ملکی خبر رساں ادارے کی رپورٹ کے مطابق سعودی عرب کے نئے بجٹ میں مالی خسارہ ریال 79ارب ریال کا ہے۔
سرکاری خبر رساں ادارے ’’ایس پی اے‘‘ کے مطابق گزشتہ روز قومی بجٹ کی منظوری کے لیے کابینہ کے اجلاس کی صدارت شاہ سلمان بن عبدالعزیز نے کی۔
- Advertisement -
شاہ سلمان بن عبدالعزیز نے وزرا اور عہدیداروں کو بجٹ میں سماجی وترقیاتی منصوبوں اور پروگراموں پر عمل درآمد کے لیے مؤثر طریقے سے کام کرنے کی ہدایت دی ہے۔
