The news is by your side.

Advertisement

کرونا وائرس: سعودی عرب کا یمن اور فلسطین کے لیے امداد کا اعلان

ریاض: سعودی فرمانروا شاہ سلمان کے امدادی مرکز کی جانب سے یمن اور فلسطین کے لیے طبی امداد کا اعلان کیا گیا ہے جو کرونا وائرس سے نمٹنے کے لیے استعمال کی جائے گی۔

سعودی ویب سائٹ کے مطابق سعودی عرب کے شاہ سلمان انسانی امدادی مرکز کی جانب سے یمن اور فلسطین کے لیے طبی امداد کا اعلان کیا گیا ہے۔

سینٹر کے جنرل سپروائزر ڈاکٹر عبد اللہ الربیعہ کی سربراہی میں اس اجلاس میں 6 نئے معاہدوں پر دستخط کیے گئے، متاثرہ ممالک میں وبائی امراض کا مقابلہ کرنے کے لیے خصوصی کمپنیاں یمن اور فلسطین کو امدادی سامان مہیا کریں گے۔

ان معاہدوں کے تحت دونوں ممالک میں کرونا وائرس کے پھیلاؤ کو روکنے کے لیے طبی امدادی سامان کی فوری فراہمی ہوگی۔

ہنگامی اجلاس میں کرونا وائرس پھیلنے سے متاثرہ بہت سے دوسرے ممالک کو ضروری طبی امدادی سامان فراہم کرنے کے طریقوں پر بھی تبادلہ خیال کیا گیا۔

اس سے قبل بھی عالمی ادارہ صحت کی اپیل کے جواب میں سعودی عرب نے فوی طور پر 10 ملین ڈالر کی امداد کا اعلان کیا تھا۔

Comments

یہ بھی پڑھیں