ریاض : سعودی حاکم شاہ سلمان نے مسجد نبوی اور مسجد الحرام کی جنرل پریذیڈنسی کے مسؤل ڈاکٹر عبدالرحمٰن السدیس کی مدت ملازمت میں توسیع کردی۔
غیر ملکی خبر رساں ادارے کی رپورٹ کے مطابق سعودی عرب کے حاکم اور خادم حرمین شریفین شاہ سلمان بن عبدالعزیز نے مسجد الحرام اور مسجد نبوی کی جنرل پریذیڈنسی کے سربراہ ڈاکٹر عبدالرحمٰن کے عہدے کی مدت بڑھا دی ہے۔
عرب خبر رساں ادارے کا کہنا تھا کہ ڈاکٹر السدیس نے عہدے میں توسیع پر شاہ سلمان اور ولی عہد شہزادہ محمد بن سلمان کا شکریہ ادا کیا ہے۔
سربراہ جنرل پریذیڈنسی کا کہنا تھا کہ اعلی قیادت کی دلچسپی کی بدولت ہی جنرل پریذیڈنسی اپنے فرائض کی انجام دہی درست انداز میں کررہی ہے اور ماضی کی طرح آئندہ بھی اعلیٰ قیادت کی ہدایات کے مطابق امور کی انجام دہی بہتر انداز میں جاری رکھوں گا۔
مسجد الحرام اور مسجد نبوی جنرل پریذیڈنسی کے سربراہ ڈاکٹر عبد الرحمٰن کی تلاوت کو پوری دنیا بہت زیادہ پسند کیا جاتا ہے۔
