پشاور: صوبہ خیبر پختونخواہ میں شاہ سلمان مرکز برائے امداد و انسانی خدمات کی جانب سے امدادی سامان تقسیم کیا گیا، 8 ہزار سے زائد افراد میں سامان تقسیم کیا گیا۔
تفصیلات کے مطابق شاہ سلمان مرکز برائے امداد و انسانی خدمات کی جانب سے پاکستان کے صوبہ خیبر پختونخواہ میں ضرورت مند خاندانوں میں 1277 فوڈ باسکٹس تقسیم کی گئیں۔
شاہ سلمان مرکز کے امدادی سامان سے 8 ہزار 939 افراد مستفید ہوئے، فوڈ باسکٹس سوات، شانگلہ، بونیر اور دیگر اضلاع میں معذوروں، یتیموں، بیواؤں اور نادار افراد میں تقسیم کی گئیں۔
شاہ سلمان مرکز دنیا بھر میں قدرتی آفات اور خانہ جنگی سے متاثرین میں کھانے پینے کا سامان اور انسانیت نواز امدادی اشیا تقسیم کرنے کی پالیسی پر گامزن ہے۔
خیبر پختونخواہ میں بھی امدادی سامان کی تقسیم اسی پالیسی کے تحت کی گئی ہے۔
