ریاض: سعودی فرمانروا شاہ سلمان بن عبد العزیز نے عمان کے فرمانروا سلطان ہیثم بن طارق کو پیغام ارسال کیا جس میں انہوں نے دونوں برادر ملکوں کے گہرے تعلقات کو سراہا۔
سعودی ویب سائٹ کے مطابق خادم حرمین شریفین شاہ سلمان بن عبد العزیز نے عمان کے فرمانروا سلطان ہیثم بن طارق کو پیغام ارسال کیا ہے۔
وزیر خارجہ شہزادہ فیصل بن فرحان نے پیر کے روز شاہ سلمان کا پیغام سلطان عمان کو پہنچایا ہے۔
- Advertisement -
اس موقع پر سلطان ہیثم بن طارق نے سعودی وزیر خارجہ کا استقبال کیا، اس ملاقات کے موقع پر دونوں ممالک کے اعلیٰ عہدیداران بھی موجود تھے۔
شاہ سلمان نے سلطان عمان کے نام اپنے پیغام میں دونوں برادر ملکوں کے گہرے تعلقات کو سراہا ہے۔
