پی ٹی آئی رہنما شہباز گل نے کہا ہے کہ شاہد خاقان کو پاکستان وزیر پٹرولیم ہوتے ہوئے بھارت سے لاکھوں ڈالرز ملے تھے۔
پاکستان تحریک انصاف کے رہنما شہباز گل نے سابق وزیراعظم شاہد خاقان عباسی پر بھارت سے پیسے لینے سے متعلق سماجی رابطوں کی ویب سائٹ ٹوئٹر پر اظہار خیال کیا ہے۔
پی ٹی آئی رہنما نے اپنے ٹوئٹ میں لکھا ہے کہ شاہد خاقان عباسی کو بھارت سے اس وقت لاکھوں ڈالرز ملے جب وہ پاکستان کے وزیر پٹرولیم تھے اور پاکستانی کرنسی میں یہ رقم کروڑوں روپے بنتی ہے۔
شہباز گل نے مزید لکھا ہے کہ بینک کی ٹرانزیکشنز موجود ہیں اور میڈیا کو بھی دی گئی تھیں۔ یہ ہوتی ہے فارن فنڈنگ۔
پی ٹی آئی رہنما نے ٹوئٹ میں لکھا ہے کہ ن لیگ کہتی ہے کہ عمران خان نے 150 ڈالرز کے بدلے کشمیر بیچا، آپ نے کیا خود کو بیچا ہے؟
شاہد خاقان عباسی کو پاکستانی وزیر پٹرولیم ہوتے ہوئے انڈیا سے لاکھوں ڈالرز جو کہ کروڑوں پاکستانی روپے بنتے ہیں موصول ہوئے
بنک کی ٹرانزیکشنز موجود ہیں اور میڈیا کو بھی دی گئی تھیں
یہ ہوتی ہے فارن فنڈنگ
ن لیگ کے مطابق عمران خان نے 150 ڈالر کے بدلے کشمیر بیچا
آپ نے کیا خود کو بیچا؟— Dr. Shahbaz GiLL (@SHABAZGIL) August 3, 2022
شہباز گل نے ایک اور ٹوئٹ میں لکھا ہے کہ پی ڈی ایم نے بل منظور کیا ہے کہ 50 کروڑ سے کم کرپشن کیسزکی تحقیقات نہیں ہونگی۔
پی ٹی آئی رہنما نے کہا کہ اس کا مطلب 50 کروڑ سے کم کرپشن کوئی کرپشن ہی نہیں سمجھی جائے گی۔ ایک ہی قانون بنا دیں کہ کرپشن کوئی جرم نہیں تھا نہ ماضی میں نہ مستقبل میں۔
پی ڈی ایم نے بل منظور کیا ہے کہ 50 کروڑ سے کم کرپشن کے کیسز کی تحقیقات نہیں ہوں گی
مطلب 50 کروڑ سے کم کرپشن کوئی کرپشن ہی نہیں سمجھی جائے گی
ایک ہی قانون بنا دیں کہ کرپشن کوئی جرم نہیں تھا نہ ماضی میں نہ مستقبل میں
— Dr. Shahbaz GiLL (@SHABAZGIL) August 3, 2022
