پی ٹی آئی رہنما شہباز گل نے ایک بار پر حکومت پر طنز کے تیر برساتے ہوئے کہا ہے کہ اب عوام کے ہمدرد بننے کا ڈراما دکھا رہے ہیں، مگرمچھ بھی حیران ہوگا ان کے آنسوؤں کو دیکھ کر۔
پاکستان تحریک انصاف کے مرکزی رہنما شہباز گل نے سماجی رابطوں کی ویب سائٹ ٹوئٹر پر حکومت کو آڑے ہاتھوں لیتے ہوئے سخت تنقید کا نشانہ بنایا ہے۔
شہباز گل نے اپنے ٹوئٹ میں کہا ہے کہ پٹرول، ڈیزل، آٹا، بجلی، گھی مہنگا کرکے بتا رہے ہیں کہ بڑی مہنگائی ہے، نمبرون ایڈمنسٹریٹر نےعمران خان کا دیا ہوا ریلیف رات ہی ختم کیا۔
انہوں نے ٹوئٹ میں مزید لکھا کہ علاج کے لئے عمران خان نے 10 لاکھ روپے کا ہیلتھ کارڈ دیا تھا، اب عوام کے ہمدرد بننےکا ڈراما کسے دکھا رہے ہیں؟ مگرمچھ بھی حیران ہوگا ان کے آنسوؤں کو دیکھ کر۔
پٹرول ڈیزل آٹابجلی گھی سب مہنگا کرکے بتارہے ہیں بڑی مہنگائی ہے
لمبر ون ایڈمنسٹریٹر صاحب عمران خان کا دیا ہوا ریلیف رات ہی ختم کیا اب عوام کے ہمدرد بننے کا ڈرامہ کسےدکھا رہے ہیں
مگر مچھ بھی حیران ہو گا ان آنسوؤں کو دیکھ کر
علاج کے لئے عمران خان نے10لاکھ روپے کا ہیلتھ کارڈ دیا تھا pic.twitter.com/xBP9KE2aMK— Dr. Shahbaz GiLL (@SHABAZGIL) May 28, 2022
واضح رہے کہ حکومت کی جانب سے پٹرولیم مصنوعات کی قیمتوں میں ریکارڈ 30 روپے اضافے کے بعد وزیراعظم شہباز شریف نے اعتراف کیا تھا کہ مہنگائی آسمان سے باتیں کر رہی ہے، غریب کےپاس ایک وقت کی روٹی اور علاج کےپیسے تک نہیں ہے۔
یہ بھی پڑھیں: "پٹرول کی قیمت میں اضافہ دل پر پتھر رکھ کر کیا”
اسپیشل کورٹ میں منی لانڈرنگ کیس کی سماعت کے بعد میڈیا سے گفتگو کرتے ہوئے وزیراعظم نے کہا کہ پٹرول کی قیمت میں اضافہ دل پر پتھر رکھ کر کیا یہ بھی تلخ حقیقت ہے کہ مہنگائی آسمان سے باتیں کر رہی ہے۔