اسلام آباد: وزیراعظم کے معاونِ خصوصی برائے سیاسی روابط شہباز گل نے وفاقی وزیر برائے ریلوے شیخ رشید احمد کو پسندیدہ سیاست دان قرار دے دیا۔
اے آر وائی نیوز کی رپورٹ کے مطابق وزیراعظم کے معاونِ خصوصی کا کہنا تھا کہ ’شیخ رشید نے ہمیشہ عوام کی فلاح و بہبود اور اُن کے مسائل پر بات کی‘۔
اُن کا کہنا تھا کہ شیخ رشید نے ہمیشہ عوامی مفاد کی بات کی، میں انہیں بطور سیاست دان پسند کرتا ہوں۔
قبل ازیں شہباز گل نے سماجی رابطے کی ویب سائٹ ٹویٹر پر وزیراعلیٰ پنجاب کے ساتھ ہونے والی ملاقات کی تصاویر شیئر کیں اور ساتھ میں لکھا کہ ’وزیراعلی پنجاب سے تفصیلی ملاقات ہوئی جس میں پنجاب حکومت کی دو سالہ اچھی کارکردگی اور اس کی تشہیر پر تبادلہ خیال ہوا۔
انہوں نے لکھا کہ ’وزیراعلی اور ان کی ٹیم جلد ہی اسلام آباد کے صحافیوں کےساتھ اپنی دو سالہ کارکردگی شئیرکرے گی‘۔ شہباز گل نے لکھا کہ ’ملاقات میں میڈیا ورکرز کے مسائل پر بھی بات ہوئی جبکہ کچھ پرانی یادیں بھی تازہ کیں‘۔
وزیراعلی پنجاب سے تفصیلی ملاقات ہوئی۔ پنجاب حکومت کی دو سالہ اچھی کارکردگی اور اس کی تشہیر پر تبادلہ خیال ہوا۔ وزیراعلی اور ان کی ٹیم جلد ہی اسلام آباد کے صحافیوں کےساتھ اپنی دو سالہ کارکردگی شئیرکرے گی۔ میڈیا ورکرز کے مسائل پر بھی بات ہوئی اور کچھ پرانی یادیں تازہ کیں pic.twitter.com/M7snmss22k
— Dr. Shahbaz GiLL (@SHABAZGIL) September 6, 2020
بعد ازاں معاونِ خصوصی نے یوم دفاع پاکستان کے حوالے سے اپنے پیغام میں پاک فوج کے شہید بہادر جوانوں کو خراج تحسین پیش کیا اور لکھا کہ ’چھ ستمبر میرے ان بہادر جوانوں کا دن ہے جس دن پاکستانی قوم کا سر فخر سے بلند ہوا۔ پوری دنیا نے دیکھا کہ پاکستانی قوم اور پاکستانی افواج اپنے چپے چپے کا دفاع کرنے کے لئیے اپنی جان پر کھیل گیے۔
چھ ستمبر میرے ان بہادر جوانوں کا دن ہے جس دن پاکستانی قوم کا سر فخر سے بلند ہوا۔ پوری دنیا نے دیکھا کہ پاکستانی قوم اور پاکستانی افواج اپنے چپے چپے کا دفاع کرنے کے لئیے اپنی جان پر کھیل گئیے۔ فخر ہے اپنے شہیدوں پر غازیوں پر اپنی مٹی پر اور اپنے وطن پر #DefenceDay
— Dr. Shahbaz GiLL (@SHABAZGIL) September 6, 2020
انہوں نے لکھا کہ ’ہمیں اپنے وطن، اپنی مٹی اور اپنے شہیدوں پر فخر ہے‘۔
