The news is by your side.

شہباز حکومت کا بجٹ میں آئی ایم ایف کے کہنے پر تبدیلیوں کا اعتراف

اسلام آباد شہباز حکومت نے بجٹ میں آئی ایم ایف کے کہنے پر تبدیلیوں کا اعتراف کرلیا اور کہا آئی ایم ایف معاہدے پر ہی عمل کیا جا رہا ہے۔

تفصیلات کے مطابق وزیرمملکت خزانہ عائشہ غوث نے قومی اسمبلی میں اظہار خیال کرتے ہوئے کہا کہ ہم تسلیم کررہے ہیں آئی ایم ایف کی وجہ سے بجٹ میں تبدیلیاں لائی گئیں ہیں۔

عائشہ غوث کا کہنا تھا کہ آئی ایم ایف سے گزشتہ حکومت کے معاہدے پر ہی عمل کیا جا رہا ہے ، گزشتہ حکومت نےمعاہدوں پر عمل نہیں کیا۔

وزیرمملکت خزانہ نے مزید کہا کہ ایسا نہیں ہمیں معلوم نہیں تھا کہ آگے کیا ہوگا، ہم آئی ایف کے پریشر میں بھی نہیں، اسی فیصد ترامیم براہ راست ٹیکسوں سے متعلق کی گئیں۔

ان کا مزید کہنا تھا کہ ہمارا مقصد امیر پر ٹیکس لگانا اور غریب کو ریلیف دینا ہے۔

خیال رہے حکومت نے پٹرول مزید مہنگا کرنے کی تیاری کرلی ، پٹرولیم مصنوعات پر پچاس روپے فی لیٹر لیوی عائد کرنے کی ترمیم منظور کی گئی۔

وزیرخزانہ مفتاح اسماعیل نے کہا کہ پٹرولیم مصنوعات پر اس وقت لیوی صفر ہے تاہم پچاس روپے فی لیٹر یکمشت عائد نہیں کریں گے۔

Comments

یہ بھی پڑھیں