اسلام آباد: وزیراعظم کے معاون خصوصی ڈاکٹر شہبازگل نے بلاول زرداری کےچیلنج کا جواب دیتے ہوئے جیکب آباد ڈسٹرکٹ اسپتال کا دورہ کیا اور حالت زار کو منظر عام پر لے آئے۔
معاون خصوصی نے جیکب آبادڈسٹرکٹ کے دورے کی ویڈیو شیئر کرتے ہوئے لکھا کہ ضلع کا سب سےبڑا اسپتال کھنڈر کا منظرپیش کر رہا ہے، خطرہ ہےکارڈیالوجی سینٹرکی چھت کسی لمحےسرپر آن گرے۔
بلاول زرداری نے چیلنج کیاتھا کہ سندھ کے ہسپتال ملک میں بہترین ہیں؛دکھی دل سے جیک آباد ڈسٹرکٹ ہسپتال کی حالت زارپیش کررہاہوں جوPPکی گڈگورننس کااصل چہرہ ہے؛PPکی کرپشن اورنااہلی کی بدولت انسانوں سے جانوروں ساسلوک روارکھاجارہاہے
سندھ حکومت پریس کانفرنس اور وفاق پر الزامات تک محدود ہے pic.twitter.com/eDNMb2UnTl— Dr. Shahbaz GiLL (@SHABAZGIL) June 21, 2020
انہوں نے کہا کہ پیپلز پارٹی حکومت صرف پریس کانفرنس اور بیانات تک محدود ہے، ہاتھ جوڑ کر کہتاہوں مرادعلی شاہ انسانوں سےجانوروں جیساسلوک نہ کریں۔
معاون خصوصی نے سول اسپتال سکھر کا بھی دورہ کیا اور آنکھوں دیکھا حال بیان کیا۔
یہ جیکب آباد ہسپتال کا کارڈیالوجی وارڈ ہے جس کی چھت کسی لمحے سرپر آن گرے گی
بلاول میاں، کیاآپ اپناعلاج یہاں کرواسکتے ہیں؟
نہیں؟توپھرعوام کیساتھ یہ ظلم کیوں؟
عوام گدھا گاڑی میں مریض لاریے ہیں جبکہ گندگی کے ڈھیرانکا منہ چڑھارہے ہیں
سندھ کے ہسپتالوں سے بہتر تو بلوچستان کے ہسپتال ہیں https://t.co/IdOtz11Gxm pic.twitter.com/cTsgXkhDXd— Dr. Shahbaz GiLL (@SHABAZGIL) June 21, 2020
دوسری جانب صوبائی وزیر امتیازشیخ نےشہبازگل کے الزامات مسترد کرتے ہوئے کہا کہ شہبازگل نےجس اسپتال کادورہ کیاوہ آپریشنل ہی نہیں، جیکب آباد انسٹیٹیوٹ آف میڈیکل سائنسز سہولیات مہیا کر رہا ہے، پی پی کاتاثرخراب کرنےکیلئےپی ٹی آئی والےبنداسپتالوں میں جارہےہیں۔
امتیاز شیخ غلط بیانی کر رہے ہیں کہ جس ہسپتال میں میں گیا وہ بند ہو چکا۔میں سول ہسپتال جیکب آباد گیا جو مرکزی ہسپتال ہے-جہاں دو ڈاکٹرز اور مریضوں سے ملا ایمرجنسی گیا-یہیں پر 06 جون کو آپکے MPA نے یہ مشین دی-شہر میں ایک اور ہسپتال ہے جو میاں محمد سومرو کی کاوش سے بنا جو اب بند ہے۔ pic.twitter.com/1PG3rZNWnO
— Dr. Shahbaz GiLL (@SHABAZGIL) June 21, 2020
صوبائی وزیر کے بیان پر ردعمل دیتے ہوئے شہباز گل نے کہا کہ امتیاز شیخ غلط بیانی کر رہے ہیں کہ جس اسپتال میں گیا وہ بند ہو چکا، میں سول اسپتال جیکب آباد گیا جو مرکزی اسپتال ہےجہاں دو ڈاکٹرز اور مریضوں سے ملا ایمرجنسی گیا، یہیں پر 06 جون کو آپکے MPA نے یہ مشین دی، شہر میں ایک اور اسپتال ہے جو میاں محمد سومرو کی کاوش سے بنا جو اب بند ہے۔