spot_img

تازہ ترین

شہباز شریف پاکستان کے 24 ویں وزیراعظم منتخب

اسلام آباد: قومی اسمبلی نے مسلم لیگ ن کے...

وزارت عظمیٰ کا تاج کس کے سر سجے گا؟ فیصلہ آج ہوگا

اسلام آباد: نومنتخب قومی اسمبلی آج کے خصوصی اجلاس...

وزیراعظم کی تقریب حلف برداری پیر کو منعقد کرنے کا فیصلہ

وزیراعظم کی تقریب حلف برداری کی تقریب پیر کو...

شہدا کو پوری قوم سلام پیش کرتی ہے، وزیراعظم

وزیراعظم شہباز شریف نے ہیلی کاپٹر حادثے می پاک فوج کے افسران اور جوانوں کی شہادت پر افسوس اور اہلخانہ سے اظہار تعزیت کیا ہے۔

اے آر وائی نیوز کے مطابق وزیراعظم شہباز شریف نے ہیلی کاپٹر حادثے میں کور کمانڈر سمیت 6 افسران اور جوانوں کی شہادت پر اظہار افسوس کرتے ہوئے شہیدوں کے اہلخانہ سے دلی دکھ اور تعزیت کا اظہار کیا ہے اور کہا ہے کہ وطن کے یہ بیٹے قوم کا فخر ہیں، پوری قوم شہدا کے اہل خانہ کے غم میں شریک ہے۔ اللہ شہدا کے درجات بلند کرے اور اہل خانہ کو صبر جمیل اور اجر عظیم عطا فرمائے۔

وزیراعظم نے کہا کہ پوری قوم اس حادثے پر انتہائی مغموم اور افسردہ ہے۔ وطن کے بیٹوں نے اپنی جانیں ہم وطنوں کی زندگیاں بچانے کے لیے وار دیں۔ لیفٹیننٹ جنرل سرفراز علی اور ساتھی فرض کی بجا آوری کی روشن مثال بنے۔

شہباز شریف نے کہا کہ لیفٹیننٹ جنرل سرفراز علی بہترین پروفیشنل، فرض شناس اور قابل افسر ہونے کے ساتھ انتہائی ایماندار اور اچھے انسان تھے۔

وزیراعظم نے ہیلی کاپٹر سانحے پر سماجی رابطوں کی ویب سائٹ ٹوئٹر پر ٹوئٹ بھی کیا ہے جس میں انہوں نے کہا کہ قوم پاک فوج کے لیفٹیننٹ جنرل سرفراز علی سمیت 6 افسران کی شہادت پر غم میں ہے۔

شہباز شریف نے مزید لکھا کہ پاک فوج کے افسران متاثرین کو ریلیف دینے کا فریضہ سر انجام دے رہے تھے۔ ہم اس دھرتی کے فرزندوں کے ہمیشہ مقروض رہیں گے۔ سوگوار خاندانوں سے دلی تعزیت کرتا ہوں۔

 

واضح رہے کہ گزشتہ روز بلوچستان میں ہیلی کاپٹر لاپتہ ہوا تھا آج پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر کور کمانڈر کوئٹہ سمیت6 افسران و اہلکاروں کی شہادت کی تصدیق کردی۔

یہ بھی پڑھیں: ہیلی کاپٹر حادثہ : ڈی جی آئی ایس پی آر کی کور کمانڈر کوئٹہ سمیت 6 افسران و اہلکاروں کی شہادت کی تصدیق

ڈی جی آئی ایس پی آر نے کہا کہ حادثے کا شکار بدقسمت ہیلی کاپٹر کا ملبہ موسیٰ گوٹھ وندر لسبیلہ سےملا، ہیلی کاپٹر کے حادثے میں لیفٹیننٹ جنرل سرفراز علی سمیت افسران شہید ہوگئے ہیں۔

Comments

- Advertisement -