شہباز شریف کو پارٹی صدر بنانے کا حتمی فیصلہ:PMLN
The news is by your side.

Advertisement

شہباز شریف کو پارٹی صدر بنانے کا حتمی فیصلہ کر لیا گیا

لاہور: سپریم کورٹ آف پاکستان کی جانب سے نواز شریف کو پارٹی صدارت سے نااہل قرار دیے جانے کے بعد (ن) لیگ نے وزیر اعلیٰ پنجاب شہباز شریف کو پارٹی صدر بنانے کا حتمی فیصلہ کر لیا۔

تفصیلات کے مطابق گذشتہ روز سپریم کورٹ نے انتخابی اصلاحات 2017 کا فیصلہ سناتے ہوئے کہا تھا کہ آئین کی دفعہ 63،62 پر پورا نہ اترنے والا نااہل شخص کسی سیاسی جماعت کی صدارت نہیں کرسکتا، جس کے بعد نواز شریف پارٹی صدارت سے بھی ہاتھ دھو بیٹھے۔

احتساب عدالت سے نوازشریف کو انصاف نہیں ملے گا: وزیراعظم

ذرائع کے مطابق مسلم لیگ (ن) کی اعلیٰ قیادت نے فیصلہ کیا ہے کہ اب پارٹی صدر وزیراعلیٰ پنجاب شہباز شریف ہوں گے، ان کے نام پر مزید مشاورت کر کے اتفاق رائے قائم کیا جائے۔

دوسری جانب عدالت سے نااہل قرار دیے جانے والے سابق وزیر اعظم نواز شریف کو اب بھی پارٹی میں کلیدی حیثیت اور اختیارات حاصل ہیں جبکہ اہم رہنماؤں کا یہ موقف ہے انہیں پارٹی قائد کی حیثیت حاصل رہے گی۔

ن لیگ سینیٹ الیکشن سے باہر:الیکشن کمیشن نے راجا ظفر الحق کے جاری کردہ ٹکٹ مسترد کردیے

یاد رہے گذشتہ روز سپریم کورٹ نے انتخابی اصلاحات 2017 کا فیصلہ سنایا تھا جس میں نوازشریف مسلم لیگ ن کی صدارات کے لیے نا اہل ہوگئے، انہیں پاناما کیس میں آئین کی دفعہ 62،63 کے تحت نا اہل قراردیا گیا تھا۔

واضح رہے کہ میاں‌ نواز شریف کی پارٹی صدارت سے نااہلی کے بعد (ن) لیگ ایک اور بحران کا شکار ہوگئی ہے جس کے بعد الیکشن کمیشن نے راجا ظفر الحق کی طرف سے جاری کردہ سینیٹ کے تمام ٹکٹس کو بھی مسترد کر دیے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں