لاہور: مسلم لیگ ن کے صدر شہباز شریف نے کہا ہے کہ عوام کو مہنگائی سے نجات دلانے کیلئے انقلابی اقدامات کریں گے۔
تفصیلات کے مطابق مسلم لیگ ن کے صدر شہباز شریف نے پارٹی رہنما سعدرفیق، سلمان رفیق، جاویدلطیف اور دیگر سے الگ الگ ملاقاتیں کیں۔
ملاقات میں پارٹی امور اور انتخابات کی تیاریوں کے حوالے سے تبادلہ خیال کیا گیا، شہباز شریف نے الیکشن تیاریوں کے حوالے سےکارکنوں، رہنماؤں کے جذبے کی تعریف کی۔
شہباز شریف نے کہا کہ 8 فروری کے انتخابات ملکی ترقی کا آغاز ثابت ہونگے، عوام کو مہنگائی سے نجات دلانے کیلئے انقلابی اقدامات کریں گے۔
شہباز شریف کا کہنا تھا کہ عوام دیکھ چکی ہے ن لیگ کے سوا باقی سب نے دھوکا دیا، عوام سے وعدے صرف نواز شریف نے پورے کئے۔
شہباز شریف کا مزید کہنا تھا کہ مالیاتی اداروں، سرمایہ کاروں کیساتھ ساتھ عوام کے اعتماد کو بحال کرینگے اور اقتصادی پالیسی میں توازن لائیں گے، سب کو ساتھ لے کر چلیں گے۔
