اسلام آباد : مسلم لیگ ن کے مرکزی رہنما شاہد خاقان عباسی نے مریم نواز کی کھل کر مخالفت کرتے ہوئے کہا کہ شہباز شریف اور مریم نواز میرے لیڈر نہیں۔
تفصیلات کے مطابق مسلم لیگ ن کے مرکزی رہنما شاہد خاقان عباسی نے نجی ٹی وی چینل میں گفتگو کرتے ہوئے کہا کہ مریم نواز نے پارٹی کی باگ ڈور سنبھالی تو ہم جیسے لوگ الگ ہوجائیں گے۔
شاہد خاقان عباسی نے کھل کرمخالفت کرتے ہوئے کہا کہ شہبازشریف اورمریم نوازمیرے لیڈر نہیں۔
نواز شریف کے استقبال کے حوالے سے ن لیگی رہنما نے کہا کہ قافلہ لے کر استقبال کیلئے نہیں جاؤں گا،اس کاقائل نہیں، وطن واپسی کیلئےپارٹی نوازشریف کوگمراہ کررہی ہے۔
نواز شریف کی ضمانت کے حوالے سے سوال پر ان کا کہنا تھا کہ سزا یافتہ اشتہاری قرار دیئے گئے شخص کوضمانت نہیں مل سکتی، پہلے عدالت کے سامنے سرنڈر کرنا پڑتا ہے ورنہ پیچیدگی بڑھے گی۔
الیکشن سے متعلق شاہد خاقان عباسی نے کہا کہ موجودہ حالات میں الیکشن میں حصہ نہیں لوں گا،حتمی فیصلہ حلقے کے لوگ کریں گے۔
