اسلام آباد : وزیراعظم شہبازشریف نے مسجد اقصیٰ پر حملے کی مذمت کرتے ہوئے کہا ہم فلسطینیوں کےساتھ یکجہتی سے کھڑے ہیں۔
تفصیلات کے مطابق وزیراعظم شہبازشریف نے سماجی رابطے کی ویب سائٹ ٹوئٹر پر صیہونی فورسز کی جارحیت پر اپنے بیان میں کہا کہ مسجد اقصیٰ پر اسرائیلی فورسز کا حملہ قابل مذمت ہے ، اسرائیل کی جانب سے تشددمیں اضافہ انسانی حقوق کی سنگین خلاف ورزی ہے۔
شہبازشریف کا کہنا تھا کہ ہم فلسطینیوں کے ساتھ یکجہتی سے کھڑے ہیں، عالمی برادری یواین چارٹر اور بین الاقوامی قانون کی پاسداری کرے۔
Condemnable raid on Al-Aqsa Mosque & escalation of violence by Israel in gross violation of HR & humanitarian laws. We stand in solidarity with the Palestinians. Time for international community to protect innocent Palestinian lives, and uphold international law & UN Charter.
— Shehbaz Sharif (@CMShehbaz) April 16, 2022
یاد رہے صیہونی فورسز نے ایک بار پھر قبلہ اول پر حملہ کر دیا تھا اور نمازیوں پر گولیاں برسادیں، فائرنگ اور شیلنگ سے 150 سے زائد فلسطینی زخمی ہوگئے تھے ۔
فلسطینی حکام نے بتایا تھا کہ صیہونی فورسز جوتوں سمیت مسجد میں داخل ہوئی اور نمازیوں پر براہِ راست گولیاں چلادیں۔
