ملتان :چینی کمپنی نے وزیراعلیٰ پنجاب شہبازشریف کی کرپشن کا بھانڈا پھوڑ دیا کہ ملتان میٹرو منصوبے میں شہباز شریف نے پونے دو کروڑ کی کرپشن کی، چینی ادارے کی رپورٹ ایس ای سی پی نے وزارت خزانہ کو ارسال کردی۔

تفصیلات کے مطابق نواز خاندان کا ایک اور کارنامہ منظر عام پر آگیا، شہباز شریف ملتان میٹرو منصوبے میں مبینہ کرپشن میں ملوث نکلے۔

چینی ریگیولیٹری ادارے سی ایس آر سی کی رپورٹ میں انکشاف کیا گیا ہے کہ شہبازشریف میٹرو منصوبے میں ایک کروڑ75لاکھ ڈالرکی کرپشن میں ملوث ہیں، شہبازشریف نے پونے2 کروڑڈالر چین منتقل کیے، رقم ملتان میٹرو منصوبے میں کک بیکس کی مد میں لی گئی تھی۔

رپورٹ میں کہا گیا ہے کہ رقم دبئی، ماریشس اور دیگر ممالک کے ذریعے بھجوائی گئی۔

دوسری جانب ایس ای سی پی نے چینی ادارے کی رپورٹ وزارت خزانہ کوارسال کردی ، ایس ای سی پی کمشنرز دباؤ پر ایس ای سی پی نے رپورٹ وزارت خزانہ کو بھیجی۔

کمشنرز کا کہنا ہے کہ معاملہ نیب اورایف آئی اے کو تفتیش کیلئے دیا جاناچاہیے، سابق چیئرمین ظفرحجازی مشیر مظفر مرزا اور خالدہ حبیب نے کیس کو دبانےکی کوشش کی تھی، معاملہ آفیشل ہوگیا ہے، اسے دبایا نہیں جاسکتا۔

چینی کمپنی کو ملتان میٹرو منصوبے کا ٹھیکہ کیپیٹل انجینئرنگ اینڈ کنسٹرکشن لمیٹڈ نے دیا جو کہ ایس ای سی پی میں درج ہی نہیں اور کمپنی کا پتا بھی غلط ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔