اسلام آباد: وزیر اعظم پاکستان میاں شہباز شریف نو منتخب ایرانی صدر کی حلف برداری تقریب میں شرکت کرنے ایران جائیں گے۔
سفارتی ذرائع کا کہنا ہے کہ ایران کے نو منتخب صدر مسعود پزشکیان کی تقریب حلف برداری میں شرکت کے لیے وزیر اعظم شہباز شریف آئندہ ہفتے ایران کا دورہ کریں گے۔
نو منتخب ایرانی صدر مسعود پزشکیان کے عہدہ سنبھالنے کی تقریب آئندہ منگل 30 جولائی کو منعقد ہوگی، سفارتی ذرائع کے مطابق پاکستانی قیادت کو تقریب میں شرکت کی دعوت دی گئی تھی۔
نو منتخب ایرانی صدر مسعود پزشکیان کی ایران کے سپریم لیڈر آیت اللہ خامنہ ای کو اسناد پیش کرنے کی تقریب 28 جولائی کو منعقد ہوگی۔
واضح رہے کہ مسعود پزشکیان نے صدارتی انتخابات میں حریف سعید جلیلی کو شکست دی تھی، نو منتخب ایرانی صدر کو 16 ملین ووٹ ڈالے گئے جو کہ 54 فی صد تھے،
