راولپنڈی: جماعت اسلامی کے سابق امیر سراج الحق نے کہا ہے کہ وزیراعظم شہباز شریف سے کہتا ہوں کہ لاشیں گرنے کا انتظار نہ کرے۔
سراج الحق کا کہنا تھا کہ ہمارے کسی کارکن کو چھیڑا تو ہم پھر ڈرنے والے نہیں ہیں، ہمارے ایک کارکن پر لاٹھی برسائی گئی تو ہم 100 لاٹھیاں برسا سکتے ہیں، ادارے کرپٹ اشرافیہ کی وجہ سے خسارے میں ہے۔
سابق امیر جماعت اسلامی نے بتایا کہ ابھی آرہا تھا تو سرکاری افسر سرکاری گاڑی میں بچوں کو شاپنگ کرانے جارہا تھا، اگر سرکاری افسر کے ساتھ بچے نہ ہوتے تو میں اس کو پکڑ کر یہاں لاتا۔
انھوں نے کہا کہ میں اس سرکاری افسر سے پوچھتا کہ ڈیوٹی ختم ہونے کے بعد سرکاری گاڑی کیوں استعمال کررہے ہو۔
سراج الحق کا کہنا تھا کہ ناروے، جاپان، ملائیشیا اور دیگر ممالک تو کیا افغانستان بھی ہم سے بہتر ہوگیا، افغانستان کی قوم نے عزم کیا، آج ان کی کرنسی پاکستان سے بہترہے، کشکول لیکر ہمارا وزیراعظم بھیک مانگتا ہے۔
انھوں نے کہا کہ عیاشیاں دیکھیں کمشنر سرگودھا 104 کنال کے گھر میں رہتا ہے، زرداری کچے کے ڈاکوؤں کا علاج نہیں کرسکتا تو وہ اور کیا کرے گا۔
