کرپشن پربھاشن دینےوالےپہلے اپنےگریبان میں جھانکیں، شہباز شریف
The news is by your side.

Advertisement

کرپشن پربھاشن دینےوالےپہلے اپنےگریبان میں جھانکیں، شہباز شریف

لاہور : وزیراعلیٰ پنجاب کے پیپلز پارٹی پر وار کہا ماضی کے حکمرانوں نے وسائل کو بےدردی سے لوٹا، کرپشن پربھاشن دینے والے پہلے اپنےگریبان میں جھانکیں۔

تفصیلات کے مطابق وزیراعلیٰ پنجاب شہبازشریف نے منتخب نمائندوں سے بات چیت کرتے ہوئے کہا کہ ماضی کے حکمرانوں نےوسائل کو بے دردی سے لوٹا، عوام کی ذہنوں میں ان کی لوٹ مار کی داستانیں تازہ ہیں۔

شہباز شریف کا کہنا تھا کہ ملک کو اندھیروں میں دھکیلنے کے ذمےدار یہی حکمران تھے، کرپشن پربھاشن سےقبل ماضی کےحکمرانوں کوگریبان میں جھانکنا چاہیے۔

وزیراعلیٰ پنجاب نے کہا کہ مسلم لیگ(ن)کی حکومت نےمنصوبوں میں شفافیت کویقینی بنایا، شفافیت،رفتاراورمعیار کےذریعے قوم کے اربوں روپے بچائے گئے۔

انکا مزید کہنا تھا کہ تاریخ میں اربوں کے قومی وسائل بچانے کی کوئی مثال موجود نہیں۔


مزید پڑھیں :  آصف زرداری احتساب پربھاشن دیں یہ خدا کی قدرت ہے، شہبازشریف


اس سے قبل وزیراعلیٰ پنجاب محمد شہبازشریف کا لاہور میں پاکستان کڈنی اینڈ لیور ٹرانسپلانٹ انسٹی ٹیوٹ منصوبے کے دورے کے موقع پر میڈیا سے گفتگو کرتے کہنا تھا کہ جلد الیکشن کی باتیں وہ لوگ کررہے ہیں جو ہماری ترقی نہیں دیکھ سکتے، آصف زرداری احتساب پر بھاشن دیں یہ خدا کی قدرت ہے۔

انکا کہنا تھا کہ جلد الیکشن کی باتیں وہ لوگ کررہے ہیں جنہوں نے دھرنوں میں قوم کا وقت ضائع کیا۔ نیازی صاحب کرپشن کا الزام لگانے کے بعد مقدمات کا سامنا کرنے کی بجائے بھاگ رہے ہیں۔

شہبازشریف نے سابق صدر آصف علی زرداری کو تنقید کانشانہ بناتے ہوئے کہا کہ غریب عوام کے چھ ارب روپے ہڑپ کرنے والے آج انصاف کا بھاشن دے رہے ہیں، صاف دکھائی دے رہا ہے کہ احتساب صرف شریف خاندان کا ہی ہورہا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں