The news is by your side.

Advertisement

سابق حکمرانوں نے قومی معیشت کا جنازہ نکالا: شہباز شریف

لاہور: وزیر اعلیٰ پنجاب شہباز شریف نے پیپلز پارٹی کے مالا کنڈ جلسے کا جواب دے دیا۔ انہوں نے کہا کہ سابق حکومت سے ورثے میں ملی دم توڑتی معیشت کو بہترین معاشی پالیسیوں سے زندہ کردیا۔

وزیر اعلیٰ پنجاب شہباز شریف نے صبح سویرے ہی گزشتہ روز مالا کنڈ جلسے کا بھرپور سیاسی جواب دے دیا اور مخالفین پر الزامات کی بوچھاڑ کردی۔

انہوں نے کہا کہ سابق حکومت کی کرپشن کے قبرستان کو ترقی کے میناروں میں بدل دیا۔ دم توڑتی بیمار معیشت کو بحال کر کے ملک کو خوشحالی کے راستے پر ڈال دیا ہے۔

مزید پڑھیں: آصف زرداری کا مالاکنڈ میں جلسے سے خطاب

وزیر اعلیٰ پنجاب نے پیپلز پارٹی کی قیادت پر لوٹ مار کا الزام لگا کر حساب یہ کہتے ہوئے برابر کر دیا کہ ملک کو اندھیروں میں دھکیلنے والوں کو قوم کبھی معاف نہیں کرے گی۔

یاد رہے کہ گزشتہ روز پیپلز پارٹی کے شریک چیئرمین آصف زرداری نے گزشتہ روز مالا کنڈ میں جلسے سے خطاب میں وزیر اعظم کو سخت تنقید کا نشانہ بنایا تھا۔

انہوں نے کہا تھا کہ یہ لوگ مزدوروں کو تنخواہ نہیں دیتے اور مزدوروں کو کچلتے ہیں۔ انہیں حقوق سے محروم رکھتے ہوئے اپنی ملیں چلاتے ہیں۔

Print Friendly, PDF & Email

Comments

comments

یہ بھی پڑھیں