کوئٹہ: سیکیورٹی فورسز نے کوئٹہ کے علاقے کچلاک میں کاروائی کرتے ہوئے سابق گورنر پنجاب سلمان تاثیر کے بیٹےشہباز تاثیر کو اغواءکاروں سے بازیاب کرالیا گیاہے ۔
سیکیورٹی فورسز نے کوئٹہ کے قریبی علاقے کچلاک میں خفیہ اطلاعات پر کارروائی کرتے ہوئے سلمان تاثیر کے بیٹے شہباز تاثیر کو باحفاظت بازیاب کرالیا ہے۔
سیکیورٹی ذرائع کا کہناہے کہ شہباز تاثیر اس وقت بالکل محفوظ ہیں اور انہیں کوئی نقصان نہیں پہنچاہے، ذرائع کا کہناہے کہ سیکیورٹی فورسز نے کارروائی کے دوران شہباز تاثیر کو بازیاب کرایاہے لیکن تاحال کسی بھی گرفتاری کے حوالے سے کوئی اطلاعات موصول نہیں ہوئیں ہیں ۔
شہباز تاثیر کو دوہزار گیارہ میں لاہور کے علاقے گلبرگ سے اغواء کیا گیا تھا اغواکاروں نے پچاس کروڑ روپے تاوان کا مطالبہ بھی کیا تھا۔
چھبیس اگست دو ہراز گیارہ کی صبح شہباز تاثیر لاہور میں اپنی رہائش گاہ سے گلبرگ اپنے آفس جارہے تھے کہ حسین چوک کے قریب چار موٹرسائیکل سواروں نے انہیں گن پوائنٹ پر اغوا کر لیا۔
سابق گورنر کے بیٹے کا اغوا ہائی پروفائل کیس اُس وقت بنا جب کافی عرصے تک ان کا پتا، نہ چلا نا ہی اغوا کاروں نے کوئی رابطہ کیا شہباز تاثیر کے اغوا کے الزام میں چار افراد کو گرفتار بھی کیا گیا ، لیکن بعد میں انہیں ضمانت پر رہائی دے دی گئی ۔
مئی دو ہزار بارہ میں اغواکاروں نے پچاس کروڑ روپے تاوان کا مطالبہ کیا تھا، اُن کے اغوا سے متعلق خبریں آتی رہیں کہ وہ کالعدم تنظیموں کے چنگل میں ہیں ۔
