پاکستان سپر لیگ کی فرنچائز لاہور قلندرز کے کپتان نے اس سیزن کے دونوں میچ ہارنے کی وجہ بتادی۔
ایچ بی ایل پاکستان سپر لیگ 9 کے ساتویں میچ میں ملتان سلطانز نے لاہور قلندرز کو 5 وکٹوں سے شکست دے کر ایونٹ میں مسلسل تیسری کامیابی حاصل کرلی۔
دوسری جانب لاہور قلندرز کو اب تک اپنے تینوں میچز میں شکست ہوئی جس پر قلندز کے کپتان شاہین شاہ آفریدی نے میچ کے بعد گفتگو میں کہا کہ فیلڈنگ اور بولنگ کے پلان پر عملدرآمد نہیں کرپا رہے۔
شاہین آفریدی نے کہا کہ رضوان کا کیچ پکڑ لیتا تو نتیجہ ہمارے حق میں آسکتا تھا لیکن گراؤنڈ میں ہم فیلڈنگ اور بولنگ کے پلان پرعملدرآمد نہیں کرپارہے۔
شاہین شاہ آفریدی نے کہا کہ سات میچ باقی ہیں امید نہیں چھوڑی، مجھے افتخار احمد کی اننگز دیکھ کر خوشی ہوئی، پاکستان کو ایسی ہی پرفارمنس کی ضرورت ہے۔
