قومی ٹیم کے نوجوان فاسٹ بولر شاہین شاہ آفریدی کی انجری سے متعلق اہم خبر آگئی۔
ورلڈ کپ میں پاکستان کے خلاف 344 رنز کسی بھی ٹیم کا سب سے بڑا اسکور ہے جبکہ سری لنکا نے ورلڈ کپ میں پہلی بار پاکستان کے خلاف 300 سے زائد رنز بنائے ہیں۔
کوشال مینڈس نے شاندار سنچری اسکور کرتے ہوئے 122 رنز بنائے، سدیرا سمارا وکرما نے 89 گیندوں پر 108 رنز کی اننگز کھیلی۔
پتھن نسانکا 51 رنز کے ساتھ نمایاں رہے، کوشل پریرا بغیر کوئی رن بنائے پویلین لوٹ گئے، کپتان دسن شناکا نے 12 رنز بنائے۔
پاکستان کی جانب سے حسن علی نے 4 کھلاڑیوں کو پویلین کی راہ دکھائی، حارث رؤف نے دو، شاہین آفریدی، محمد نواز اور شاداب خان ایک، ایک وکٹ حاصل کرسکے۔
تاہم قومی ٹیم کے فاسٹ بولر شاہین شاہ آفریدی بولنگ کے دوران گیند لگنے سے زخمی ہوگئے تھے، گراؤنڈ میں انہیں درد کش اسپرے بھی کرواتے دیکھا گیا۔
سابق چیئرمین پی سی بی اور کمنٹیٹر رمیز راجا نے شاہین شاہ آفریدی کی انجری کی تصدیق کردی ہے۔
کمنٹری کے دوران کمنٹیٹر رمیز راجا نے تصدیق کی کہ شاہین آفریدی کی انگلی زخمی ہے اور وہ تکلیف میں بولنگ کررہے ہیں۔
Ramiz Raja confirms Shaheen Afridi has an injured finger and he was bowling in pain
Yaar next match India se hay! Please be okay #CWC23 #WorldCup2023 pic.twitter.com/JRNCWpyht3— Farid Khan (@_FaridKhan) October 10, 2023
انہوں نے دورانِ کمنٹری امید ظاہر کی کہ پاکستان کا اگلا میچ روایتی حریف بھارت کیخلاف ہے، براہ کرم ٹھیک ہوجائیں۔
یاد رہے کہ ایونٹ کے پہلے میچ میں قومی ٹیم نے نیدرلینڈز کو شکست سے دوچار کیا تھا جبکہ سری لنکا کو جنوبی افریقہ کے ہاتھوں بڑے مارجن سے ہار کا سامنا کرنا پڑا تھا۔
